Лэжьыгъэхэр зэпыуркъым

22 апреля, 2022 - 06:06

«Къалэ кIуэцIхэр зэIузэпэщ щIын» лъэпкъ проектым хиубыдэу Дыгулыбгъуейм и Бахъсэн уэрамыр къагъэщIэрэщIэж.
Къэбэрдей - Балъкъэрыр илъэсищэ зэрырикъум теухуауэ яубла Iуэхум ипкъ иткIэ бетон къэухьхэр Iуахащ,  лъэс зекIуапIэу метр зэбгъузэнатIэ 2500-м плиткэ иралъхьэнущ, 4557-р асфалъткIэ къращIыкIынурэ, тетIысхьэпIэхэмрэ кIэрыхубжьэрыхухэр зрадзэну урнэхэмрэ щагъэувыжынущ. Сабийхэмрэ балигъхэмрэ я зыгъэпсэхупIэу щытыну щIыпIэхэр зыхуеину псомкIи къызэрагъэпэщынущ, жыгыщIэхэр щыхасэнущ.
Лэжьыгъэ псори фокIадэм нэмысу зэфIагъэкIын хуейуэ щытщ.
Апхуэдэу Куба къуажэм щаухуэ сабий 500 зыщIэхуэну  курыт еджапIэ. Абы и инагъыр метр зэбгъузэнатIэ  мини I0-м ноблагъэ, къатитIу зэтетщ. «ЩIэныгъэ» лъэпкъ проектым хиубыда ухуэныгъэм трагъэкIуэдэну сом мелуан 500-р къэрал бюджетым къыхагъэкIащ.  Мы махуэхэм япэ къатыр яухри етIуанэм щIадзауэ йолэжь.  
 

 

Шэрэдж Дисэ.
  • 16 просмотров
Поделиться: