1. Тхылъи 5-м ит информацэр цIыху щхьэкуцIым и зы налъэм (клеткэм) йозагъэ;
2. ЖьакIэ зэраупс лезвэ хуогъэткIу лъатэпсым;
3. ЩхьэкуцIым къикI импульсыр апхуэдизкIэ псынщIэщи, километр 274-рэ зы сыхьэтым къызэпичыфынут машинэу щытатэмэ;
4. Iэпкълъэпкъым пкърылъ углеродым къэрэндащ 900 къыпхухэщIыкIынут;
5. Уи Iэпкълъэпкъым щыщу налъэ мин 50 зэпкърыхури, апхуэдиз къигъэщIыжащ мы псалъэухам укъеджэху;
6. ЦIыхубзым и гур нэхъ псынщIэу къоуэ, цIыхухъум ейм нэхърэ;
7. ЦIыхум пщIыхьэпIэу илъагъум и процент 90-р щогъупщэж;
8. ЦIыхур укIытауэ къыщыплъкIэ, и напэм хуэдэу и лъатэри плъыжь мэхъу;
9. ЦIыхум къищынэмыщIа зы псэущхьэ щIыбкIэ телъу жеифыркъым;
10. УпщIэ 450-рэ зы махуэм къет илъэсиплI ныбжьым ит сабийм;
11. Езыр-езыру мыкIыжыфу, зимыгъэхъужыфу, зимыужьыжыфу зы пкъыгъуэ закIуэщ Iэпкълъэпкъым пкъырылъыр – дзэр;
12. МыIэрысэм и мэм гъур уещI;
13. ЦIыхум и щхьэцым и зэхуэдитIыр икIа нэужьщ, къуий зэрыхъум гу щылъитэр;
14. Iэпкълъэпкъым бактерие килограми 2 пкърылъщ;
15. ЦIыхум и Iэпкълъэпкъым кальций куэду хэлъщ, ауэ абы и процент 99-р и дзэхэращ здэщыIэр;
16. ЦIыхур дунейм тетыху и щIыфэр мин бжыгъэрэ токIри, къимыщIэххэу нэгъуэщI къытокIэж;
17. Нащхъуэхэм узыр нэхъ гуащIэу зыхащIэ адрейхэм нэхърэ;
18. Щхьэ куцIым химическэ реакцэ мини 100 къыщокIуэкI зы меданым къриубыдэу;
19. ЦIыхум и гур и IэштIымым хуэдиз мэхъу;
20. ЦIыхум и нэм плъыфэ мелуани 10 зэхегъэщхьэхукIыф;
21. Лъагъуныгъэр зыхозыгъащIэ гормоныр шоколадми хэлъщ. Аращ цIыхум шоколад щишхам деж насыпыфIэу зыкъыщIыщыхъужыр.
22. ЦIыхур щыгуфIэкIэ, и нэкIум щыщу лыпцIэ I4 мэлажьэ, и нэщхъыр щызэхиукIэкIэ – 43-рэ. ЩIэх жьыфэ къыфтеуэну фыхуэмеймэ – фи нэщхъыр зэхэвмыукIэ;
23. Бжэ-щхьэгъумбжэ зыхэмылъ пэшым цIыхур щIаубыдэмэ, и Iубахъэм итхъэлэжынущ, жьы хуримыкъуурэ;
24. ЦIыхум и нэр зэи хэхъуэркъым: сабий цIынэм ейри балигъым ейри зэхуэдизщ, ауэ и тхьэкIумэмрэ и пэмрэ къэмыувыIэу хохъуэ;
25. Къупщхьэр жырым нэхърэ 5-кIэ нэхъ быдэщ;
26. ЦIыхум и нэр имыуфIыцIу къепсыфыркъым;
27. ЩIалэ сырыхухэм я жьакIэр нэхъ псынщIэу мэкI;
28. Iэбжьанэр лъэбжьанэм нэхърэ 4-кIэ нэхъ псынщIэу мэкI;
29. Iэпкълъэпкъым и процент 80-р псыщ. Абы щыщу зы процент чэму щытмэ, цIыхум псы хуолIэ, проценти 5 къэтмэ, къомэх, проценти I0 хуэныкъуэмэ, малIэ;
30. Ныбэрылъыр мазищ щрикъум деж и IэпапIэхэр къытредзэ.
