Илъэс 220 гъуэгуанэУрысей Федерацэм ЮстицэмкIэ и министерствэр къызэрызэрагъэпэщрэ илъэс 220-рэ ирикъуащ. Абы теухуа махуэшхуэ зэIущIэ щекIуэкIащ УФ-м ЮстицэмкIэ и министерствэм и Управленэу КъБР-м щыIэм.
Махуэшхуэ зэIущIэм хэтащ щIыналъэм и хабзэубзыху, суд, гъэзэщIакIуэ органхэм я лIыкIуэхэр, суд приставхэр. Урысей ФССП-м и управленэу КъБР-м щыIэм и унафэщIым и къуэдзэ Ефэнды Олег хъуэхъукIэ захуигъэзащ къызэхуэсахэм. Абы къыхигъэщащ щIыналъэм юстицэмкIэ и IуэхущIапIэм и лэжьакIуэхэм я къалэнхэр щIыхь пылъу зэрагъэзащIэр, цIыхухэм я хуитыныгъэхэмрэ хабзэкIэ я сэбэп зыхэлъхэмрэ къызэрагъэпэщу. КупщIафIэу зэрызэдэлажьэр щIигъэбыдэу, къэрал кIуэцI къулыкъум и полковникым къыхэжаныкIахэм гулъытэ яхуищIащ.
Къэбэрдей-Балъкъэрым и Суд пристав нэхъыщхьэм и унафэкIэ КъБР-м щыIэ УФССП-м къыпэщыт къалэнхэр гъэзэщIэнымкIэ къазэрыкъуэтым папщIэ фIыщIэ тхылъхэр иратащ лэжьыгъэр къызэгъэпэщынымкIэ къудамэм и унафэщI Газаев Назир Александр и къуэм, фейдэ къегъэщIыным пымыщIа организацэхэм я IуэхухэмкIэ къудамэм и унафэщI Гиляховэ Каринэ Виктор и пхъум, уэчыл, нотариат IэнатIэхэм, граждан щытыкIэмкIэ актхэр тхыным епха IуэхухэмкIэ къудамэм и унафэщI Лъакъуэдыгъу Джульеттэ Лъостэнащ и пхъум.
Iуэху гуапэм и кIэухым Ефэнды Олег жиIащ Урысейм ЮстицэмкIэ и министерствэм Управленэу КъБР-м щыIэр нэхъри ефIэкIуэну, ехъулIэныгъэщIэхэр зыIэрагъэхьэну зэригуапэр.
Поделиться:
Читать также:
29.03.2024 - 14:39 →
ДахагъэмкIэ тхьэмахуэ
29.03.2024 - 13:37 →
Къалэн нэхъыщхьэхэр яубзыху
29.03.2024 - 11:32 →
Гъатхэм дэIэпыкъуэгъу хуэныкъуэхэр
28.03.2024 - 14:02 →
Хьэршыр и плъапIэт
28.03.2024 - 13:01 →
Гум имыхуж гъатхае
|