ФIыщIэ тхылъхэр ират

Суд приставхэр ехъуэ­хъуащ­ щIыналъэм щыла­жьэ телекомпаниехэм я лэжьакIуэхэу зи махуэр зыгъэлъапIэхэм.

Къэбэрдей-Балъкъэ­рым телевиденэ къызэ­ры­щызэрагъэпэщрэ илъэс 65-рэ ирикъуащ мы гъэм. ЛIэщIыгъуэ ныкъуэм щIигъу ипэкIэ япэу экранхэм щагъэлъэгъуащ щIыпIэ хъыбарыщIэхэр. Нобэ ди республикэм каналитI щолажьэ - «1 КБР», «Россия-1 КБР».
Телевиденэм и дунейпсо махуэм журналистхэм я хьэщIащ зи лэжьыгъэм те­ле­визореплъхэр щIэх-щIэ­хыурэ щыгъуазэ ящI суд приставхэр.
Илъэс куэд хъуауэ зэпы­щIэныгъэ быдэ яку дэлъу зэрызэдэлажьэм папщIэ Урысей ФССП-м и управленэу КъБР-м щыIэм къыбгъэдэкI фIыщIэ тхылъхэр иратащ «Къэбэрдей-Балъкъэр» ГТРК-м и унафэщI Къэзанш Людмилэрэ «Къэ­бэрдей-Балъкъэр» ВТК-м и унафэщI Конаревэ Натальерэ. Апхуэдэуи УФССП-м и лэжьакIуэхэм фIыщIэ хуа­щIащ «1 КБР» телеканалым хъыбарыщIэхэмкIэ и прог­рам­мэм и редактор нэхъыщ­хьэ Хъуэст Алимрэ корреспондент Брай Мариерэ; «Рос­сия-1 КБР» телеканалым хъы­барыщIэхэмкIэ и IэнатIэм и унафэщI Суйдым Бес­лъэнрэ хъыбарыщIэ нэ­тынхэмкIэ и корреспондент хэха Гериев Сэфаррэ.
Суд приставхэр журналистхэм ехъуэхъуащ творческэ ехъулIэныгъэхэр, хъыбарыфIхэр нэхъыбэу яIэну икIи я зэпыщIэныгъэм нэхъри зрагъэубгъуну зэры­щыгугъ­ри къыхагъэщащ.