Следствием и лэжьакIуэхэм яхуэгъэза хъуэхъу

СледствиемкIэ комитетым и Управленэу Къэбэрдей-Балъкъэр Республикэм щыIэм и лэжьакIуэхэу, ветеранхэу пщIэ зыхуэсщIхэ!
Урысей Федерацэм СледствиемкIэ и комитетыр къыщызэрагъэпэща махуэм и щIыхькIэ сынывохъуэхъу!
Абы лъандэрэ блэкIа зэманым СледствиемкIэ комитетым зэфIэкI ин зэрыбгъэдэлъыр наIуэу къигъэлъэгъуащ икIи къэралым и хабзэхъумэ системэм и IэнатIэ нэхъыщхьэ дыдэхэм ящыщ хъуащ. Следствием щылэжьэфынур зи IэщIагъэм хуэIэзэ, егугъуныгъэрэ ерыщагърэ зыхэлъ цIыху пэжхэрщ, захуагъэм и телъхьэхэрщ. Мис апхуэдэ зэфIэкIрэ цIыху хьэл нэхъыфIхэмрэ яхэлъщ Урысейм СледствиемкIэ и комитетым и Управленэу ди щIыналъэм щыIэу и лэжьакIуэхэм. Фи къулыкъум къызэрыфхуигъэувым тету фэ коррупцэм, терроризмэм, эктстремизмэм, цIыхубэм я дежкIэ нэхъ шынагъуэ зыпылъ адрей хабзэншагъэхэм ебэнхэм я япэ сатырхэм фыхэтщ икIи къэралым и сэбэп зыхэлъхэр, цIыхухэм я хуитыныгъэр текI имыIэу фохъумэ.
Фи къулыкъур хьэлэлу зэрефхьэкIым икIи Iуэхум фызэрыхуэпэжым папщIэ фIыщIэ фхузощI. АдэкIи фи лэжьыгъэр тэмэму зэревгъэкIуэкIынум икIи фи граждан къэлэнхэр екIуу зэрывгъэзэщIэнум шэч къытесхьэркъым.
Узыншагъэ, ефIэкIуэныгъэ фиIэну си гуапэщ, мыхьэнэшхуэ зиIэ икIи жэуаплъыныгъэ зыпылъ лэжьыгъэу Къэбэрдей-Балъкъэрыр, Урысейр егъэфIэкIуэным хуэунэтIам ехъулIэныгъэхэр къыщыфхьыну сынывохъуэхъу!