Шумахуэ ХьэзрэIил Салмэн и къуэр Ди республикэм и щэнхабзэмрэ гъуазджэмрэ хэщIыныгъэшхуэ ягъуэтащ. И ныбжьыр илъэс 81-м иту дунейм ехыжащ Къэбэрдей-Балъкъэр Республикэм щIыхь зиIэ и артист Шумахуэ ХьэзрэIил Салмэн и къуэр.
ХьэзрэIил адыгэ уэрэдыжьхэр зыгъэзащIэ уэрэджыIакIуэ цIэрыIуэт. Зэпымыууэ зэрызэгугъужым, зыми емыщхь макъ дахэ зэриIэм я фIыгъэкIэ, абы хузэфIэкIат лъэпкъ уэрэдхэр Iэзащэу игъэIун. Езым хэлъ артистыгъэмрэ и теплъэ бжыфIэмрэ зылъагъу псори къыдахьэхырт.
Шумахуэ ХьэзрэIил илъэс куэдкIэ щытащ КъБР-м и Музыкэ театрым и уэрэджыIакIуэу, иужькIэ Къэбэрдей-Балъкъэр радиом и хорым хэтащ. ХьэзрэIил хэлъхьэныгъэшхуэ хуищIащ ди макъамэ гъуазджэр республикэми нэгъуэщI щIыпIэхэми хэIущIыIу щыщIыным, абы зегъэужьыным.
Концерт гуимыхужхэр зэритым, лъэпкъхэм я зэхуаку дэлъ зэныбжьэгъугъэр егъэфIэкIуэным зэрыхэлIыфIыхьым папщIэ, Шумахуэм къыхуагъэфэщауэ щытащ «Къэрэшей-Шэрджэс Республикэм и цIыхубэ артист» цIэ лъапIэр. Къэбэрдей-Балъкъэрым и гъуазджэм хуищIа хэлъхьэныгъэр кърыралъытат «Къэбэрдей-Балъкъэрым щIыхь зиIэ и артист» щIыхьыцIэм.
Адыгэу дэнэ щIыпIэ щыпсэуми гуапэу я гум илъынущ зи къару емыблэжу лъэпкъым хуэлэжьа цIыху гуащIафIэр, зэчиифIэр.
Поделиться:
Читать также:
26.04.2024 - 15:39 →
ПащIэ Бэчмырзэ и дыщэ пхъуантэр
23.04.2024 - 18:33 →
«Дыщэ джыдэ цIыкIур» зыхуагъэфэщахэри яхэту
18.04.2024 - 14:05 →
ГъэсакIуэ цIэрыIуэр ящыгъупщэркъым
18.04.2024 - 12:26 →
АдыгэбзэкIэ ятхам адыгэбзэкIэ тепсэлъыхьу
18.04.2024 - 11:18 →
ЦIыхубэр зэрыгушхуэ
|