Iуэхум хуэбэлэрыгъыркъым

3 февраля, 2023 - 15:23

«Кавказ Ищхъэрэм и Россети» IуэхущIапIэм иубзыхуащ «Техникэ Iуэхутхьэбзэхэмрэ ремот лэжьыгъэхэмрэ» къэрал программэм хиубыдэу 2023 гъэм иригъэкIуэкIыну лэжьыгъэхэр. ЯпэщIыкIэ абыхэм щIыналъэхэм щагъэбелджылащ ипэ игъэщыпхъэ Iуэхухэмрэ чэзур къащылъысыну пIалъэмрэ.
Компанием и щIэныгъэлIхэм Къэбэрдей - Балъкъэрым зыхуей щыхуагъэзэнущ ток кIапсэу километри 141-рэ. Зэрагъэпэщыжынухэм хиубыдэнущ щIымахуэ Iумылхэм я зэранкIэ сэкъат зыгъуэта кIапсэхэмрэ ахэр зыIыгъ уэздыгъэ пкъохэмрэ. Абыхэм псом хуэмыдэу хеубыдэ Iуащхьэмахуэ, Шэрэдж щIыналъэхэм я къуршылъэ, бгылъэ щIыпIэхэр. 
Сыт хуэдэ къуэладжэ иримыхьэлIами, иджырей техникэ хуэIухуэщIэхэмкIэ къызэгъэпэща IэщIагъэлIхэм къапэщылъ къалэнхэр жэуаплыныгъэ хэлъу кърахьэлIэнущ. Апхуэдэу абыхэм гъэ псом я нэIэ тетынущ трансформаторхэм, вольт лъагэ зрикIуэ ток кIапсэхэр зэкIуалIэ щIыпIэхэм: ГЭС - хэм, IуэхущIапIэ инхэм, ток кIапсэ куэд щызэблэкIхэм. 
 

Шэрэдж Дисэ.
  • 11 просмотров
Поделиться:

Читать также:

25.04.2024 - 16:00 → ЩIэщхъуитI
25.04.2024 - 14:33 → Iус зэхэлъым къыщIэупщIэм хохъуэ
25.04.2024 - 13:00 → Хэкур фIыуэ лъагъуным хуаущий
25.04.2024 - 11:30 → IэнатIэм зеужь
25.04.2024 - 10:04 → Зэныбжьэгъугъэм и щыхьэт