Кадетхэр ягъэгушхуэУрысей гвардием и Управленэу КъБР-м щыIэм и лэжьакIуэхэр ехъуэхъуащ я нэIэ зытет, Бахъсэн къалэм дэт курыт еджапIэ №2-м и кадет классым щIэсхэм – абыхэм гъэ еджэгъуэр къаухам и мызакъуэу, класс нэхъыжьхэм кIуащ. Iуэху гуапэм хэтащ Урысей гвардием, район администрацэм, республикэм Егъэджэныгъэмрэ щIэныгъэмкIэ и министерствэм я лIыкIуэхэр, школым и унафэщIхэмрэ егъэджакIуэхэмрэ, ветеранхэр, жылагъуэ организацэхэм щыщхэмрэ еджакIуэхэм я адэ-анэхэмрэ. Урысей гвардием и управленэу республикэм щыIэм и лэжьакIуэ, полицэм и майор Лыкъуэжь Маринэ кадетхэм ехъуэхъуащ, егъэджакIуэхэмрэ школым и унафэщIхэмрэ фIыщIэ яхуищIри, къыхэжаныкIа ныбжьыщIэхэм щIыхь тхылъхэр яритащ. - Мы илъэсым вгъэкIуэда къарухэр тыншу зэфIэвгъэувэжыну, къыкIэлъыкIуэ гъэ еджэгъуэм гуфIэгъуэ, текIуэныгъэщIэхэмрэ ехъулIэныгъэхэмрэ къыфхуихьыну си гуапэщ. Зефхьэ кадет цIэр фрипагэу, жиIащ офицерым. ДЫГУЛЫБГЪУ Жантинэ.
Поделиться:
Читать также:
02.05.2024 - 14:22 →
Хэкур зыфIэкIуэдам псори фIэкIуэдащ
02.05.2024 - 12:43 →
Джэш хъурейм яужь йохьэ
02.05.2024 - 12:31 →
Зыпэрыт Iуэхум фIыуэ хэзыщIыкI дохутыр
02.05.2024 - 12:28 →
ТхьэкIумэкIыхь зыгъэхъухэм ящIапхъэщ
01.05.2024 - 13:43 →
«ТекIуэныгъэм и диктантым» зрагъэубгъу
|