И зэфIэкIыр Мэзкуу щигъэлъэгъуэнущУрысей ФССП-м и Управленэу КъБР-м щыIэм и лэжьакIуэ къэрал кIуэцI къулыкъум и майор Шэшэн Аслъэн бжьыпэр щиубыдащ «Урысей ФССП-м и дознаватель нэхъыфI» урысейпсо зэпеуэм и етIуанэ Iыхьэм. Ар щекIуэкIащ Урысей ФССП-м и Управленэ нэхъыщхьэм и еджапIэ-методикэ центрым и хэщIапIэу Ростов областым щыIэм. Зэпеуэм щытекIуамрэ увыпIэ нэхъыщхьэхэр зыубыдахэмрэ къыхахащ абы хэтахэм я лэжьыгъэмрэ я IэщIагъэм зэрыхуэщIамрэ елъытауэ. Абыхэм ягъэлъэгъуащ къэралым щызекIуэ хабзэхэм зэрыхащIыкIыр, ахэр къазэрыхуэгъэсэбэпыр. Зэхьэзэхуэр къэзыпщыта комиссэм и унафэкIэ нэхъыфIу къалъытащ Шэшэн Аслъэн. Иджы ар ди щIыналъэм и цIэкIэ хэтынущ икIи къэралым и дознаватель нэхъ лъэщ цIэм щыщIэбэнынущ бжьыхьэм Мэзкуу щыщекIуэкIыну кIэух зэпеуэм. ДыщIыдгъужынщи, илъэс къэс ирагъэкIуэкI мы зэпеуэм и купщIэ нэхъыщхьэр суд приставхэм я федеральнэ къулыкъум и лэжьыгъэмрэ а IэнатIэм пэрытхэмрэ я Iуэху зехьэкIэр егъэфIэкIуэнырщ.
БАХЪСЭН Азэмэт.
Поделиться:
Читать также:
29.04.2024 - 13:08 →
«ТекIуэныгъэм и диктантым» фыхэт
28.04.2024 - 17:33 →
Псыхэр къабзэ хъун папщIэ
28.04.2024 - 13:01 →
Архитекторхэм я зэфIэкIхэр
28.04.2024 - 11:59 →
Пэрыт увыпIэр адэкIи иIыгъынущ
28.04.2024 - 10:57 →
ПсэупIэщIэхэр - гуфIэгъуэ щIыкIэм тету
|