ЩытыкIэр ирагъэфIакIуэ

22 сентября, 2023 - 11:05

Къулъкъужын Ипщэ къуажэм иджырей мардэхэм тету зыхуей щыхуагъэзащ цIыхур зэфэну псыр къыщыщIаш щIыпIэхэмрэ псы хъумапIэхэмрэ.

Псыр зрагъэлъадэ, ар къыщихуу из щыхъуам деж лейр къызэрырагъэжыж пкъыгъуэхэр щIэуэ ягъэуващ. Апхуэдэ зэхъуэкIыныгъэхэм я фIыгъэкIэ къуажэдэсхэм зэпымыууэ икIи пэрыхьэту псы зэфэнумрэ зэрыIэбэнумрэ ягъуэтынущ.

«Псы къабзэ» лъэпкъ пэхуэщIэм хиубыдэу нэхъапэIуэкIэ мы жылэм и псы жапIэхэми зэхъуэкIыныгъэ щхьэхуэхэр халъхьащ, псы хъумапIэщIэхэр щагъэуващ.

Лэжьыгъэхэр къыщрахьэлIащ Куба, Къулъкъужын Ищхъэрэ къуажэхэми: бжьамийуэ километрипщI щIалъхьащ, псы къыщIэшыпIэщIэ щаухуащ. Апхуэдэ щIыкIэкIэ псымкIэ къызэгъэпэща хъуащ къуажэдэс 3000.

ШЭРЭДЖ Дисэ.
  • 21 просмотр
Поделиться: