Сабийхэр зы махуэм къриубыдэу ику иту 400 хуэдизрэ мэдыхьэшх, балигъхэр I5 къудейщ.
ЦIыхубзхэм машинэ гъэувыпIэхэм нэхъ тыншу я машинэр щагъэув цIыхухъухэм нэхърэ.
Илъэситху къэс цIыхубзым Iупэлэу къигъэсэбэпыр, псори зэхэплъхьэжмэ, езым и лъагагъым хуэдиз хъун тюбикым ихуэнущ.
ЦIыху нэхъ лъахъшэ дыдэхэр щыпсэур Япониерщ.
ЦIыху нэхъ лъагэ дыдэхэр щыпсэур Голландиерщ.
Инджылызхэм шейуэ ирафым хуэдиз нэгъуэщI зыщIыпIи щагъэкIуэщIыркъым. Псалъэм папщIэ, американхэм шейуэ ирафым нэхърэ хуэдэ 20-кIэ нэхъыбэщ.
Урысей щIыналъэр КъуэкIыпIэрэ КъухьэпIэрэ IыхьитIу зыгуэш Урал къуршхэр дуней псом щынэхъ жьы дыдэщ.
ЦIыхухъум и гъащIэм къриубыдэу метри 8,4-рэ хуэдиз зи кIыхьагъ жьакIэ треупсыкI, сыхьэт 3350-рэ абы трегъэкIуадэ.
ЦIыху псоми я процент 47-м пщIыхьэпIэ шынагъуэхэр мазэм зэ нэхъ мыхъуми ялъагъу.
И гъащIэм къриубыдэу цIыхум лъэсу къекIухь щIым и экваторым и кIыхьагъым нэхърэ хуэдитхукIэ нэхъыбэ.
ЦIыхур нэхъ губзыгъэху абы и щхьэцым хэлъ химие элементу медымрэ цинкымрэ нэхъыбэщ.
Жеину гъуэлъа цIыхур ику иту дакъикъи 7-м къриубыдэу Iурех.
Мазэ-мазищ хъу сабий цIынэхэр нэпсыншэущ зэрыгъыр.
Дунейм цIыхуу тетым я зэхуэдитIым телефон игъащIэм ялъэгъуакъым, къызэрагъэсэбэп щIыкIэри ящIэркъым, цIыху мелуан 365-м компьютерхэр яIэщ.
ЦIыхур къыщалъхуа махуэр дегуэш а махуэ дыдэм къалъхуа мелуан 20-м нэблагъэм.
ЦIыхубзхэм я IQ-р нэхъ лъагэщ, цIыхухъухэм яйм нэхърэ.
ЦIыхубзхэм зыщахуэ Iупэлэм и нэхъыбэр езыхэм яшхыж.
Мазих-мазибл хъу сабий цIынэхэр зэуэ машхэ икIи мэбэуэф, балигъхэм апхуэдэу яхуэщIэркъым.
Унэгуащэхэм унэ Iуэхухэр ягъэзащIэкIэрэ ику иту махуэм километр II хуэдиз къакIухь.
Сенегалым щыпсэу цIыхубзхэм псы зэфэ щIым къыщIашыным сыхьэт I7,5-рэ трагъэкIуадэ тхьэмахуэм къриубыдэу.
Дунейм цIыхуу тетым я Iыхьэ плIанэр Китайм щопсэу.
ЦIыху нащхъуэхэм кIыфIым нэхъыфIу щалъагъу.
ПцIы къыфхуэзыупс цIыхухэр, зэрыхабзэу, ищхьэкIэ доплъейри, сэмэгумкIэ йоплъэкI.
Китайм и къухьэпIэ лъэныкъуэмкIэ щыпсэухэм фошыгъум и пIэкIэ шейм шыгъу халъхьэ.
ЦIыхум и гъащIэм щыщу илъэситхур шхэным трегъэкIуадэ.
Мухьэмэд цIэр зезыхьэхэр дунейм щынэхъыбэщ.
Кением щыпсэухэм я нэхъыбэм я ныбжьыр илъэс I5-м щIигъуакъым.
Шотландием къыщалъхухэм я нэхъыбэр цыплъщ.
ЩIалэ цIыкIухэм я нэхъыбэр махуэкIэ къалъху, хъыджэбз цIыкIухэр – жэщым.
ЦIыхухъухэр нэхъыбэрэ нэхъ кIыхьу, нэхъ ину мэдыхьэшх цIыхубзхэм нэхърэ.
Дунейм и цIыху псоми я процент 0,7-р сыт зэмани чэфщ.
ЦIыхум ику иту лъэбакъуэ I8000 хуэдиз зы махуэм еч.
Илъэси I00-м нэблагъэкIэ псэуахэм я процент 80-р цIыхубзщ.
Илъэсым къриубыдэу цIыхум и напIэр мелуани I0 хуэдизрэ егъэупIэрапIэ.
Американхэм я процент 40-р дзэ дохутырым деж игъащIэм щыIакъым.
Эскимосхэр зэи пэрыхьэркъым я гъащIэм ехьэлIауэ шынагъуэ къызыбгъэдэкI Iуэхугъуэу къалъытэм.
Секундищ къэс дунейм зы цIыху къытохьэ.
И гъащIэм къриубыдэу цIыхум тонн 27-рэ хуэдиз ерыскъыуэ ешх, е пылиблым я хьэлъагъым хуэдиз.
Сабийхэр гъатхэм нэхъыбэу хохъуэ гъэм и адрей чэзухэм елъытауэ.
ЦIэ IуэнтIахэр, цIэ гугъухэр зыфIащ щIалэ цIыкIухэм я процент 50-м я акъылыр зэкIуэкIынкIэ шынагъуэ щыIэщ. Хъыбджэбз цIыкIухэм апхуэдэ зэхъуэкIыныгъэхэр далъэгъуакъым.
Мелардырыбжэхэр нэхъыбэу щыпсэур Москващ икIи аращ ущыпсэуну дунейм щынэхъ лъапIэ дыдэу къалэу ар къыщIалъытэр.
Американхэм джэдум и шхыным ахъшэ нэхъыбэ трагъэкIуадэ, сабий шхыным нэхърэ.
Лэжьыгъэ гугъум пэрыт цIыхухъум зы махуэм къриубыдэу пщIэнтIэпсу литри 4 егъэкIуэд.
ЦIыхубзхэм я процент 90-м тыкуэным зэрыщIыхьэу ижьымкIэ яунэтI.
Сабий къалъхуагъащIэу 2500-рэ мазэ къэс дунейм щыхыфIадзэ.
США-м нэхъ лэжьыгъэ шынагъуэу къыщалъытэр Аляскэм щыIэ елыркъэшхэр (крабхэр) къэубыдынырщ.
Москва и метром нэхърэ нэхъ псынщIэ щыIэкъым: секунд 90 къэс цIыхухэр вокзалым треш, ахэр щызэтрихьам деж.
Байкал гуэлым нэхърэ нэхъ куу дунейм теткъым. Абы псыуэ иьым хуэдиз зэхуэпхьэсын папщIэ Индыл, Тэн, Днепр, Енисей, Урал, Объ, Ганг, Оринокэ, Амазонкэ, Темзэ, Сенэ, Одер псышхуэхэр зэхэту зы илъэс хуэдизкIэ зы щIыпIэм ибгъэлъэдэн хуейщ, къэмыувыIэу.
УФ-мрэ США-мрэ зэрызэпэжыжьэр километри 4 къудейщ.
Унэр нэхъ лъапIэу икIи нэхъ псынщIэу пщэн щхьэкIэ абы и щIыбыр гъуэжьу лэн хуейуэ жаIэ.
Швейцарием егъэджакIуэм и улахуэм и инагъыр илъэсым хуэзэу доллар 33000-м къыщыщIедзэ.
ЦIыхухъухэм я процент 70-м, цIыхубзхэм я процент 57-м махуэ къэс псы зытракIэ.
Боливием и цIыху 5400-м къулыкъу щрахьэкI къэралым и дзэ-тенджыз флотым, ауэ езы къэралыгъуэм тенджыз иIэкъым.
