|
ПОСЛЕДНЕЕСАЙТЫ ПОРТАЛА СМИ КБР | ||
Дызыщымыгъуазэ гъэщIэгъуэнхэр• Сабий тхакIуэ цIэрыIуэ, таурыхъ куэд къэзыгупсыса Андерсен Ганс Кристиан щыуагъэ химыщIыхьу псалъэ мащIэ дыдэщ хуэтхыу щытар.
• Динозавр нэхъ ин дыдэу дунейм къыщагъуэтам и кIыхьагъыр метр 30-м щIигъурт, тонн 80-м щIигъу и хьэлъагът.
• Хэку зауэшхуэм щыгъуэ Берлин къалэм япэу дадза бомбэм иукIауэ щытар абы и зоопаркым иса пыл закъуэрщ.
• 1941 гъэм Совет Союз къэралыгъуэм лэжьапIэ IэнатIэ пэрыт цIыхум сабий имыIэу щытмэ, абы и улахуэм проценти 6 налогыу хагъэкIырт.
• Дакъикъэ тIощIкIэ махуэ къэс лъэсу къэпкIухьыу щытмэ, илъэсым къриубыдэу уи хьэлъагъым килограммищ кIэрыхунущ.
• «ЭлектрокъарукIэ къоуэ шэнт» жыхуаIэр къэзыгупсысар дзэ дохутырщ.
• ЦIыхум и лъынтхуэхэр псори зэпыбгъэувэурэ букъуэдиймэ, абы и кIыхьагъыр километр мин 96-м нэблэгъэнущ.
• ТхьэкIумэм ирищIэ серчэр тхьэкIумэм и узыншагъэмкIэ сэбэпщ.
• Дунейм нэхъ къулей дыдэу тет унагъуищым я мылъкур нэхъ тхьэмыщкIэ дыдэу псэу къэрал 48-м зэхэту яIэм нэхърэ нэхъыбэщ.
• ЦIыхуу дунейм тетым я процент II-р Iэсэмэгущ.
• США-м и Нью-Джерси штатым и къалэ Кресскиллым щыпсэу джэдухэм къанэ щымыIэу уэзджынищ я пщэм илъын хуейщ, абыхэм къыщакIухь щIыпIэр къуалэбзухэм ящIэн щхьэкIэ.
• Зы цIыху гъащIэм къриубыдэу гур ику иту меларди 3-рэ мелуан 300-рэ хуэдизкIэ къоуэ.
• Мазэр ЩIым нэхърэ хуэдэ 80-кIэ нэхъ псынщIэщ.
• Сахарэ къумым щыIэ Тегазэ къалэм шыгъум къыхэщIыкIа унэхэм уащыхуозэ. А щIыпIэр дунейм и нэхъ уэгъу дыдэхэм ящыщщ.
• Инджылызым машинэкIэ хьэм ущыжьэхэуэмэ тезыр нэхъ ткIий къыптралъхьэнущ, цIыхум ужьэхэуэ нэхърэ.
• 18-нэ лIэщIыгъуэ пщIондэ Урысейм езым и нып иIакъым.
• Сырыхухэм я щхьэцыр нэхъ Iувщ.
• Къупщхьэр хуэдитхукIэ нэхъ быдэщ гъущIым нэхърэ.
• Лэныстэр къэзыгупсысар Леонардэ да Винчищ.
• Инджылызым и къалащхьэм Лондон фIащын ипэкIэ абы мыпхуэдэ фIэщыгъэхэр зэрихьащ – Лондониум, Люденвик, Люденбург.
• Американ тыкуэнхэм псом нэхърэ нэхъыбэу щадыгъур «Библие» тхылъырщ.
• Шыдым и нэр апхуэдэу игъэтIысхьащи, и лъакъуиплIри зэуэ елъагъуж.
• Американхэм зы махуэм къриубыдэу пиццэу яшх гектар I8 хуэдиз щIыналъэ зыубыдын.
• НэщIэпкIэхэр мышхэу илъэсищкIэ жеифынущ.
• ЗэтIолъхуэныкъуитIым языхэзым и дзэр Iухуамэ, адрейм ейми а дзэ дыдэр Iухунущ.
• ЩIыбагъкIэ техуа мэлыр езыр къэтэджыжыфыркъым.
• Щыблэм иукIа хьэкIэкхъуэкIэм и хьэдэр адрей псэущхьэхэм яшхыркъым.
• ЦIыхухъум и гур нэхъ хуэму къоуэ, цIыхубзым ейм нэхърэ.
• Дзыгъуэшхуэр къатитхуу зэтет унэм и щхьэм къехуэхыу щытми зыри къыщыщIынукъым.
• Илъэс къэс дыгъэм тонн мелуан 360-рэ хуэдиз кIэроху.
• Леонардэ да Винчи бэзэрхэм къыщищэхурт хъархэм ису яIыгъ псэущхьэхэри, иужькIэ иутIыпщыжырт.
• ЩыIэ хабзэмкIэ, Инджылызым и «Уэмбли» топджэгу стадионым тренировкэ гуэри щрагъэкIуэкIыну хуиткъым.
• Джей щIыхур пыл 23-м нэхърэ нэхъ хьэлъэщ.
• «Испание» псалъэм «тхьэкIумэкIыхьхэм я щIыналъэ» жиIэу аращ.
• Страусым и нэхэр и щхьэ куцIым нэхърэ нэхъ инщ.
• Сырыхухэм я жьакIэр нэхъ псынщIэу къокIыж, къамылыфэхэм ейм нэхърэ.
Поделиться:
Читать также:
06.05.2024 - 17:00 →
ПэIущIэм нэсахэщ
06.05.2024 - 16:55 →
Пшадэрэ Пщыщэрэ
06.05.2024 - 16:09 →
ЦIыхум зезыгъэузэщI
06.05.2024 - 15:22 →
Сом меларди 3,3-рэ хухах
06.05.2024 - 15:17 →
Адыгэбзэр зыгъэшэрыуа тхьэмадэ
| ||
