КIэух зэпеуэм щагъэлъэгъуэнухэрСабий сурэтым и Урысейпсо зэпеуэм, «Си адэ-анэр полицэм щолажьэ» зыфIащам, и щIыналъэ Iыхьэу Къэбэрдей-Балъкъэрым щекIуэкIам кърикIуахэр КъБР-м щыIэ МВД-м щызэхалъхьэжащ. Комиссэм къыIэрыхьат республикэм и районхэм къикIа лэжьыгъэ 20-м щIигъу.
Зэпеуэм и жюримхэтащкъэрал кIуэцI IуэхухэмкIэ министру КъБР-м щыIэм и къуэдзэ,полицэм и полковник БахъуэАслъэн, КъБР-м щыIэ МВД-м Полицэм и участковэуполномоченнэхэм я лэжьыгъэр къызэгъэпэщынымрэ балигъмыхъуахэм я IуэхухэмкIэ и къудамэм и унафэщI, полицэм и полковник Хьэжнэгъуей Мурат, республикэ ОВД-м и ветеранхэм я щIыналъэ жылагъуэ къудамэм и тхьэмадэ Пыхъ МуIэед, КъБР-м щыIэ МВД-м и дежщылажьэ Жылагъуэ советым и секретарь ШкIэжь Ирэнэ, апхуэдэуи ведомствэм и IэнатIэхэм я лэжьакIуэхэр.
Зэхьэзэхуэм хэтахэр я ныбжькIэ гупищу гуэшат: илъэси 6-8, илъэси 9-11, илъэс 12-14 хъухэр.
НыбжьыщIэхэм, къэрэндащхэр, краскэхэмрэ фломастерхэмрэ къагъэсэбэпурэ сурэтым къыщагъэлъэгъуащ къалэным пэрыт я адэ-анэхэр.
Жюрим къызэрилъытамкIэ, къыщыхах Iыхьэм щытекIуащ Чеченов Шамиль и цIэр зэрихьэу Къэщкъэтау дэткурыт еджапIэм и школакIуэ Бозиевэ Сальмэ, Налшык къалэм дэт, Совет Союзым и ЛIыхъужь Калюжный Николай и цIэр зезыхьэ СОШ №7-м щеджэ Атмурзаевэ Камилэ, Налшык къалэм дэт гимназие №I4-м и еджакIуэ Кравцевэ Елизаветэсымэ.
Къэрал кIуэцI IуэхухэмкIэ органхэм я ветеранхэм, щIалэгъуалэр хэкупсэу къэгъэхъуным ехьэлIа номинацэм сурэт нэхъыфIу къыщалъытащ Нарткъалэ дэт «Лицей №I» курыт еджапIэм щIэс Тхьэзэплъ Адисэ и IэдакъэщIэкIыр.
Лэжьыгъэ нэхъыфIхэр щагъэлъэгъуэнущ «Си адэ-анэр полицэм щолажьэ» урысейпсо зэпеуэм и кIэух Iыхьэм.
Поделиться:
Читать также:
03.05.2024 - 16:00 →
ЩIыпIэ телъыджэу 40
03.05.2024 - 13:15 →
Мэрем фIыгъуэм зыхэвмыгъэкIыж
03.05.2024 - 12:26 →
Я нэIэм щIэтынущ
03.05.2024 - 11:18 →
Гъавэ бэвыр я плъапIэщ
02.05.2024 - 14:22 →
Хэкур зыфIэкIуэдам псори фIэкIуэдащ
|