ЩIымахуэм хуэхьэзырщ

9 января, 2024 - 14:56

Къэбэрдей-Балъкъэрым и мэкъумэш IуэхущIапIэхэм я Iэщым щIымахуэм ирагъэшхын, бэIутIэIуншэу гъатхэм зэрытехьэн мэкъумылэмрэ IусыпхъэмкIэ ирикъуу зэпэщащ.
«Республикэм и мэкъумэшыщIэхэм Iэщым ирагъэшхынур зыхуэныкъуэ щымыIэу ягъэхьэзыращ. Iусым и зэхэлъыкIэм, абы иIэ фIагъым елъытащ IэщIэвыщIэм лыуэ ящIынумрэ жэмхэм шэуэ къатынумрэ я куэдагъыр. Ар фIыуэ зыщIэхэр бэлэрыгъакъым», - къыхигъэщащ КъБР-м мэкъумэш хозяйствэмкIэ и министр Сыжажэ Хьэсэн.
ЩIыналъэм и мэкъумэш IуэхущIапIэхэр IусымкIэ зэрызэпэщыр къегъэлъагъуэ, псалъэм къыдэкIуэу, зы Iэщым хуэзэу Iусыпхъэ единицэу 24-рэ зэрагъэхьэзырам - ар проценти 102-кIэ нэхъыбэщ, нэгъабэ щыIа бжыгъэхэм нэхърэ. Iэщым ират Iус зэхэлъри, мэкъури, силосри, хадэхэкIхэри ирикъуу яIэщ.
 

ХЬЭЩЫКЪУЕЙ Олег.
  • 28 просмотров
Поделиться: