НэхъыфIипщIым хабжэ

12 января, 2024 - 06:16

Къэбэрдей-Балъкъэрым Мэкъумэш хозяйствэмкIэ и министерствэм иджыблагъэ къызэритамкIэ, губгъуэм къыщагъэкI хадэхэкIхэм я куэдагъымкIэ республикэр хохьэ къэралым бжьыпIэр щызыIыгъ щIыналъипщIым.

Дызэрыт илъэсым щэкIуэгъуэм и 1-м ирихьэлIэу ди республикэм и губгъуэхэм къыщрахьэлIэжащ хадэхэкIыу тонн мин 326,1-рэ - ар процент 22-кIэ нэхъыбэщ нэгъабэ и апхуэдэ лъэхъэнэм ирихьэлIэу щыIа бжыгъэхэм нэхърэ.

Къэбгъэлъагъуэмэ, мы гъэм хадэхэкIхэр гектар мин 17-м щIигъум щащIати, дэтхэнэми центнер 200,2-рэ къытрахащ, е нэгъабэ яхузэфIэкIахэм елъытауэ проценти 118-кIэ нэхъыбэ.

Министерствэм зэрыщыжаIэмкIэ, хадэхэкIым и процент 30-р республикэм и унагъуэхэм къыщагъэкI, адрейхэр мэкъумэш, уней IуэхущIапIэхэм, фермерхэм, я щхьэ хуэлэжьэжхэм къалъос.

ХЬЭЩЫКЪУЕЙ Олег.

  • 19 просмотров
Поделиться: