|
Жылагъуэ
13 марта, 2024 - 10:46
«Кавказ.РФ»-м и пресс-IуэхущIапIэм иджыблагъэ къызэритамкIэ, Кавказ Ищхъэрэм и щIыналъэхэм зегъэужьынымкIэ щыIэ къэрал программэм 2023 гъэм зэфIагъэкIын хуейуэ къыщагъэлъэгъуа Iуэхугъуэхэр процент 99,9-кIэ ягъэзэщIащ. 20I4 гъэм щегъэжьауэ апхуэдэ бжыгъэхэм иджы япэу нэсыфауэ аращ.
КИФЩI-м зегъэужьынымкIэ къэрал программэр Урысей Федерацэм и Правительствэм и унафэкIэ УФ-м Экономикэ зыужьыныгъэмкIэ и министерствэм егъэзащIэ. Псори зэхэту сом мелард I6,6-рэ нэгъабэ абы хуаутIыпщащ.
13 марта, 2024 - 10:00
Урысейм и Социальнэ фондым и къудамэу Къэбэрдей-Балъкъэрым щыIэм иджыблагъэ къызэритамкIэ, льготэ зэхуэмыдэхэхэр зиIэ цIыху 550-м загъэхъужыну здэщыIа щIыпIэхэм зэрыкIуам-къызэрыкIуэжам текIуэда гъуэгупщIэхэр хуапшыныжащ.
2023 гъэм къэралыр щхьэхуэу зыдэIэпыкъу цIыхухэм зыщагъэхъуж курортхэм, санаторэхэм зэрыкIуэну, къызэрыкIуэжыну билету 1834-рэ къащэхуащ, интернетыр къагъэсэбэпу. УФ-м и Социальнэ фондым и щIыпIэ къудамэм цIыхухэм гъуэгупщIэм трагъэкIуэдахэм щыщ яхуэпшыныжыным сом мелуани 10 хухихащ.
13 марта, 2024 - 09:00
Урысей гвардием и управленэу КъБР-м щыIэм и СОБР-м и лэжьакIуэхэм даIыгъащ «Зы гум къыбгъэдэкIыу адрейм хуэкIуэу» акцэр икIи хуэныкъуэхэм папщIэ лъы ятащ.
Лъы щыхаш республикэ станцым екIуэлIащ Урысей гвардием щылажьэхэм ящыщу цIыхуи I0, апхуэдэуи къэралым щIыхь зиIэ и донор, щIыналъэ управленэм и ветеранхэм я советым и тхьэмадэ, полицэм и полковникыу къулыкъум къыхэкIыжа Хужьокъуэ Руслан ящIыгъуу.
13 марта, 2024 - 08:18
Урысей Федерацэм и Суд приставхэм я къэрал къулыкъущIапIэм и управленэу КъБР-м щыIэм и лэжьакIуэхэу Хьэкъул Ибрэхьимрэ Гъуэтыж Темыркъанрэ зэуэкIэ спорт лIэужьыгъуэ зэхэтхэмкIэ иджыблагъэ екIуэкIа республикэ зэхьэзэхуэм япэ увыпIэр къыщахьащ. Иджы абыхэм Iэмал яIэ хъуащ УФ-м и ФСПП-м и чемпионатым и кIэух зэпеуэм хэтыну.
Къыхэдгъэщынщи, зэхьэзэхуэхэр Олимп мардэхэм тету ирагъэкIуэкIащ – хагъэщIар занщIэу хэкIыу. Я хьэлъагъ елъытауэ спортсменхэр гупийуэ гуэшауэ щытащ.
12 марта, 2024 - 11:17
Къэбэрдей-Балъкъэрым и Правительствэм иджыблагъэ къыщрагъэблэгъащ Китайм жыг хадэм къыщагъэсэбэп техникэхэр къыщыщIэзыгъэкI «SHANDONG NUOMAN ENGINEERING MACHINERY CO.,LTD» заводым и лIыкIуэ Ван Ченг.
12 марта, 2024 - 10:15
Гъатхэм и нэщэнэ дахэхэм ящыщщ къалэр дадий зэмыфэгъухэм нэр ягъэгуфIэ зэрыхъур. Ди къэралым хабзэ щыхъуащ гъатхэпэм и 8-м бзылъхугъэхэм а гъэгъа дахэхэр ирату. Ахэр зэмыфэгъущ, щхьэж фIэфIыр къыхихыу. АтIэ къалэр дадийхэм я теплъэр зэрыдахэм хуэдэу, езым я хьэл яхэлъыжщ, тхыди яIэщ. Удз гъэгъам нэхъри нэIуасэ зыхуэпщIыну гъэщIэгъуэнщ.
Къалэр дадий лъэпкъыгъуэу мини 10-м нэблагъэ щыIэщ.
ЛIэужьыгъуэщIэ къэбгъэкIыным илъэс 20 хуэдиз токIуадэ.
Дунейм псом къалэр дадийр къыщалъытэ гухэлъым, насыпым, гуапагъэм, псэхугъэм я нэщэнэу.
12 марта, 2024 - 09:14
Адыгэ лъэпкъым и бзэм, хабзэм, тхыдэм и къежьапIэр къэтIэщIыным яужь иту, тхакIуэ Мэржэхъу Мухьэмэд хамэ къэрал зыбжанэм къыщыщIидзащ. Адыгэм и псэм, и дунейм, и философием и купщIэр къыщыунэхуа щIыпIэмрэ зэманымрэ къилъыхъуэу, абы зэгъэпщэныгъэкIэ къихутащ Индием и литературэбзэу къалъытэ санскритымрэ адыгэбзэмрэ зы лъабжьэ яIэу. Мухьэмэд иригъэкIуэкIа лэжьыгъэмкIэ къыбгуригъэIуэну хэтщ адыгэбзэм нэхърэ нэхъыжь зэрыщымыIэр, уеблэмэ дунейм лъэпкъыу тетыр къызытепщIыкIыжахэр абы ирипсалъэу щытауэ хуегъэфащэ.
12 марта, 2024 - 08:18
Зи гъащIэр медицинэм хуэзыгъэпса цIыхущ ПащIэ Марьянэ Темударий и пхъур. ЦIыхухэм я узыншагъэр хъумэнми щIэблэр егъэджэнми и гуащIэ хилъхьащ а бзылъхугъэм.
11 марта, 2024 - 14:17
Къэбэрдей-Балъкъэрым Транспортымрэ гъуэгу хозяйствэмкIэ и министерствэм и пресс-IуэхущIапIэм иджыблагъэ къызэритамкIэ, «ГъуэгуфI шынагъуэншэхэр» лъэпкъ пэхуэщIэм хыхьэу, дызэрыт илъэсым къриубыдэу сымаджэщхэм, поликлиникэхэм, нэгъуэщI медицинэ IуэхущIапIэхэм ухуэзышэ уэраму, автомобиль гъуэгуу 500-м щIигъу ди къэралым къыщагъэщIэрэщIэжынущ.
11 марта, 2024 - 13:07
ЕрыскъыхэкIхэмрэ псыхэкIхэмрэ елэжь IуэхущIапIэхэм я «Продэкспо» дунейпсо гъэлъэгъуэныгъэм, Мэзкуу къалэм иджыблагъэ щекIуэкIам, хэтащ джэдкъаз зыгъэхъу, джэдкъазылым елэжь «Къэббалъкъджэд» ООО-р икIи ехъулIэныгъэфIхэр абы щызыIэригъэхьащ.
Гъэлъэгъуэныгъэм кърашэлIа ерыскъыхэкIхэмрэ псыхэкIхэмрэ яIэ фIагъхэмкIэ иджыри зэпрагъэуащ. Республикэм икIа IуэхущIапIэм абы ишат ерыскъыхэкI лIэужьыгъуэ зыбжанэ, псалъэм къыдэкIуэу, нэкулъхэкI зэмылIэужьыгъуэхэр, икIи дамыгъэфIхэр абыхэм къыхуагъэфэщащ.
Страницы
|