Спорт

Къэбэрдей-Балъкъэрым СпортымкIэ и министерствэм и пресс-IуэхущIапIэм къызэритамкIэ, Урысей Федерацэм тхэквондомкIэ (ГТФ, Олимп джэгухэм хыхьэркъым) чемпионатрэ пашэныгъэр щыубыдыным хуэунэтIа зэхьэзэхуэрэ Къэзан къалэм иджыблагъэ щекIуэкIащ. Абы кърихьэлIащ къэралым и щIыналъэхэм ящыщу 63-м я спортсмен 2400-м нэблагъэ.

Къэбэрдей-Балъкъэрым СпортымкIэ и министерствэм къызэритамкIэ, Мэзкуу областым и Красногорск къалэм грэпплинг, грепплинг-ги спорт бэнэкIэ лIэужьыгъуэхэмкIэ иджыблагъэ щекIуэкIащ дунейпсо чемпионатрэ пашэныгъэр къэхьыным хуэунэтIа зэхьэзэхуэрэ. 

Налшык къалэм и спорт комплексым иджыблагъэ щекIуэ­кIащ балъкъэр усакIуэ Мечиев Кязим и фэеплъ урысейпсо зэхьэзэхуэ. 

Бахъсэн щIыналъэм и стадион нэхъыщхьэм щекIуэкIащ ныбжьыщIэхэм мини-футболымкIэ я республикэ зэхьэзэхуэ. Ар и фэеплъу щытащ полицэм и подполковник Щхьэгъум Мурат. Зэхьэзэхуэм кърихьэлIащ 2009 - 2010 гъэхэм къалъхуахэр зыхэта командэу 12 - псори зэхэту сабии 170-рэ.

         Зэхьэзэхуэхэм къарикIуахэр зэхалъхьэжа нэужь япэ увыпIэр хуагъэфэщащ Налшык и командэм, етIуанэ увыпIэр иратащ Бахъсэн къалэм щыщ цIыкIухэм, ещанэ хъуащ Къубэ-Тэбэ къуажэм къикIа ныбжьыщIэхэр. Зэхьэзэхуэм и топджэгу нэхъыфIу къэлъытащ Къанщауэ Ролан.

Къэбэрдей-Балъкъэрым СпортымкIэ и министерствэм и пресс-IуэхущIапIэм къызэритамкIэ, Мэзкуу и щIыналъэм хыхьэ Мытищи къалэм иджыблагъэ щекIуэкIащ щIалэгъуалэм алыдж-урым бэнэкIэмкIэ я зэхьэзэхуэ.

Къэбэрдей-Балъкъэрым СпортымкIэ и министерствэм и пресс-IуэхущIапIэм къызэритамкIэ, Урысей Федерацэм атлетикэ хьэлъэмкIэ пашэныгъэр щыубыдыным хуэунэтIа зэхьэзэхуэ Адыгейм и къалащхьэ Мейкъуапэ щекIуэкIащ. Абы гупитIу гуэшауэ щызэпеуащ илъэс 15 - 18, 19 - 20 зи ныбжь спортсменхэр.

Новосибирск къалэм иджыблагъэ щекIуэкIащ универсальнэ зауэ спорт лIэужьыгъуэщIэмкIэ (абы хохьэ гъуэгуанэ гугъухэр, лъэпощхьэпо зэхуэмыдэхэр зыхэтхэр зэпычыныр, сэ жан дзыныр, нэщанэ еуэныр, Iэпщэрыбанэ зауэр) дунейпсо чемпионатрэ пашэныгъэр къэхьыным хуэунэтIа зэхьэзэхуэмрэ. Абы кърихьэлIащ къэрал 36-м я спортсмен 600-м щIигъу.

Урысей Федерацэм и командэ къыхэхам хэту зэхьэзэхуэм зыкъыщагъэлъэгъуащ Къэбэрдей-Балъкъэрым и гъэсэну зэуакIуэ 14-м.

Шэджэм щIыналъэм бильярдымкIэ и чемпионату иджыблагъэ екIуэкIам хэтащ цIыху 30-м щIигъу. Ар къызэрагъэпэщат Шэджэм районым и щIыпIэ администрацэмрэ бильярд клуб №1-мрэ. Спортсменхэр зэхьэзэхуащ урыс бильярдымрэ пирамидэ зэхэгъэувэкIэмкIэ икIи зэпеуэхэр екIуэкIащ сыхьэтипщI хуэдизкIэ.

Чемпионатым щытекIуащ псом нэхърэ нэхъ щIалэу абы хэта, Шэджэм ЕтIуанэ къуажэм щыщ Балъкъыз Албэч. ЕтIуанэ увыпIэр къихьащ щхьэлыкъуэдэс Мудрэн Сослъэн, ещанэ хъуахэщ Шэджэм ЕтIуанэм щыпсэу Борсэ Ислъамрэ Шэджэм къалэм дэс Тхьэмокъуэ Ислъамрэ.

УФ-м ДзюдомкIэ и федерацэм и пресс-IуэхущIапIэм къы­зэ­ритамкIэ, Налшык къалэм и «Гладиатор» спорт комплексыш­хуэм иджыблагъэ щекIуэкIащ Социалист Лэжьыгъэм и ЛIы-хъужь Ахъмэт Мусэбий и фэ-еплъ урысейпсо зэхьэзэхуэ.

Мэзкуу областым и Наро-Фоминск къалэм щекIуэкIащ Урысейм и Кубокыр грэпплинг, грэпплинг-ги спорт бэнэкIэ лIэужьыгъуэхэмкIэ къэхьыным хуэунэтIа зэхьэзэхуэ. Абы хэтащ къэралым и щIыналъэ зэхуэмыдэхэм я спортсмен 300-м нэблагъэ.