|
Календарь событий
31 марта 2024
31 марта, 2024 - 17:38
КъБР-м и Парламентым иджыблагъэ щытепсэлъыхьащ аукционкIэ, зэхьэзэхуэкIэ ящэ-къащэхум ехьэлIа Iуэхухэр Къэбэрдей-Балъкъэрым къызэрыщызэрагъэпэщым.
ЗэIущIэр КъБР-м и Парламентым Экономикэ политикэмкIэ, зыужьыныгъэмрэ хьэрычэт IуэхухэмкIэ и комитетым и жэрдэмкIэ ирагъэкIуэкIащ. Абы хэтащ КъБР-м и Iэтащхьэмрэ Правительствэмрэ я лIыкIуэу республикэм и хабзэубзыху орган нэхъыщхьэмрэ суд IуэхущIапIэхэмрэ щыIэ ДыщэкI Мадинэ, депутатхэр, республикэм и министерствэхэм я лэжьакIуэхэр, IэщIагъэлIхэр.
31 марта, 2024 - 16:13
Сабий къызыхэхъуа унагъуэм мазэ къэс къэралым зэрызыщIигъакъуэ ахъшэр зэрагъэбелджылым щытепсэлъыхьащ КъБР-м и Парламентым ЛэжьыгъэмкIэ, социальнэ политикэмрэ узыншагъэр хъумэнымкIэ и комитетым и зэIущIэм.
31 марта, 2024 - 14:03
Урысей Федерацэм каратэ-киокушинкаймкIэ и чемпионатрэ пашэныгъэр къыщыхьыным хуэунэтIа зэхьэзэхуэрэ иджыблагъэ Санкт-Петербург къалэм щекIуэкIащ. Абы хэтащ къэралым и щIыналъэхэм ящыщу 45-м я спортсмену минитIым щIигъу.
31 марта, 2024 - 13:10
КъБР-м и Парламентым иджыблагъэ щытепсэлъыхьащ аукционкIэ, зэхьэзэхуэкIэ ящэ-къащэхум ехьэлIа Iуэхухэр Къэбэрдей-Балъкъэрым къызэрыщызэрагъэпэщым.
ЗэIущIэр КъБР-м и Парламентым Экономикэ политикэмкIэ, зыужьыныгъэмрэ хьэрычэт IуэхухэмкIэ и комитетым и жэрдэмкIэ ирагъэкIуэкIащ. Абы хэтащ КъБР-м и Iэтащхьэмрэ Правительствэмрэ я лIыкIуэу республикэм и хабзэубзыху орган нэхъыщхьэмрэ суд IуэхущIапIэхэмрэ щыIэ ДыщэкI Мадинэ, депутатхэр, республикэм и министерствэхэм я лэжьакIуэхэр, IэщIагъэлIхэр.
31 марта, 2024 - 12:26
Урысейм атлетикэ хьэлъэмкIэ пашэныгъэр къыщыхьыным хуэунэтIауэ Оренбург къалэм иджыблагъэ щекIуэкIа зэхьэзэхуэм Къэбэрдей-Балъкъэрым и спортсмен Темрокъуэ Темырлан ещанэ увыпIэр щиубыдащ. Абы щызэпеуащ илъэс 13 - 17 зи ныбжь щIалэхэмрэ хъыджэбзхэмрэ - псори зэхэту 350-м щIигъу.
УФ-м щIыхь зиIэ и тренер Шэкэм Михаил и гъэсэным бгъэдыхьэгъуитIым зэхэту килограмм 220-рэ зи хьэлъагъ штангэхэр къиIэтащ (кг 100/120-рэ). Ди щIалэм зыкъыщигъэлъэгъуар килограмм 61-рэ зи хьэлъагъхэм я дежщ.
АЛЫДЖЫКЪУЭ Руслан.
31 марта, 2024 - 11:18
Урысей Федерацэм и Президент Путин Владимир къыхилъхьа жэрдэмымрэ къыдигъэкIа унафэмрэ тету, 2024 гъэр ди къэралым щагъэу-ващ Унагъуэм и илъэсу. Абы ипкъ иткIэ, дызытехьа илъэсым къриубыдэу къэралым щалэжьыпхъэ Iуэхугъуэхэм ящыщ куэд хуэгъэпсауэ щытынущ унагъуэхэм адэкIи защIэгъэкъуэным, абы илъ фIыгъуэхэр хъумэным.
31 марта, 2024 - 10:01
Къэбэрдей-Балъкъэрым и егъэджэныгъэ IэнатIэм и IэщIагъэлIи 150-м я зэфIэкIым хагъэхъуащ «ЛIыхъужьхэм я бынхэр» проектым (пэхуэщIэм) къриубыдэу. IэщIагъэлIхэр хуеджащ щытыкIэ гугъум ихуа, зи адэр зауэм щыIэ сабийхэм, унагъуэхэм зэрадэлэжьапхъэ щIыкIэхэм. Ахэр зи къалэн нэхъыщхьэ зэхуэс ин махуищкIэ щекIуэкIащ Псыхуабэ къалэм дэт «Мэшыкъуэ» егъэджэныгъэ центрым. Iуэхум и къызэгъэпэщакIуэт КъБР-м Егъэджэныгъэмрэ щIэныгъэмкIэ и министерствэр, «Мэшыкъуэ» центрыр, «Iуащхьэмахуэ» университет зэгуэтыр.
31 марта, 2024 - 09:22
КъБР-м и Iэтащхьэ КIуэкIуэ Казбек Ставрополь крайм и губернатор Владимиров Владимиррэ Къэрэшей-Шэрджэс Республикэм и УнафэщI Темрезов Рашидрэ щIыгъуу хэтащ Тырныауз къалэм дэт, сыт и лъэныкъуэкIи зыхуей хуэзэу зэрагъэпэщыжа, Кулиев Къайсын и цIэр зезыхьэ ЩэнхабзэмкIэ унэр къызэрызэIуахыжым иращIэкIа зэхыхьэм.
31 марта, 2024 - 09:00
Мы махуэхэм ди республикэм щокIуэкI «Зэныбжьэгъугъэм и лъэмыжхэр» нэгузегъэужь-хэкупсэ слётыр. Iуащхьэмахуэ лъапэ щызэхуэсащ «Пэрытхэм я зэщIэхъееныгъэ» къэралпсо зэгухьэныгъэм КъБР-м, КъШР-м, Ставрополь крайм щиIэ къудамэхэм хэт ныбжьыщIэ жыджэрхэр. Абыхэм яхуэзащ икIи гуапэу епсэлъащ зи цIэ къитIуа щIыналъэхэм я унафэщIхэу КIуэкIуэ Казбек, Темрезов Рашид, Владимиров Владимир сымэ.
31 марта, 2024 - 08:14
Къэбэрдей-Балъкъэр Республикэм и Iэтащхьэ КIуэкIуэ Казбек и унафэкIэ республикэм кърагъэблэгъащ Белгород областым щыщ ныбжьыщIи 170-рэ.
Украинэм IэщIэкIэ зэщIэузэда и къарухэр зыхэуа щIыпIэм щыпсэу цIыкIухэм зыщагъэпсэхунущ «Лэгъупыкъу» республикэ сабий центрым. Сабийхэм зыхуей хуэзэу загъэпсэхунымкIэ, я узыншагъэр зэфIагъэувэжынымкIэ мы IуэхущIапIэм щытыкIэ псори къыщыхузэрагъэпэщащ.
|