Лъахэхутэ зэпеуэ

8 мая, 2024 - 07:01

КъБР-м и Сабий, щIалэгъуалэ творчествэ унэм иджыблагъэ щекIуэкIащ урысейпсо зэIущIэ. ЛъахэхутэмкIэ зэпеуэм хэтащ Къэбэрдей-Балъкъэрым, Къалмыкъ Республикэм, Белгород областым, нэгъуэщI щIыналъэхэм я къэхутакIуэ ныбжьыщIэхэр.

ЗэIущIэр къызэрагъэпэщат ЩIэныгъэхэмкIэ «Интеллект будущего» Урысейпсо академием, абы КъБР-м щиIэ къудамэм, КъБР-м Егъэджэныгъэмрэ щIэныгъэмкIэ и министерствэм, КъБР-м и Сабий, щIалэгъуалэ творчествэ унэм,  Урыс географие зэгухьэныгъэм КъБР-м щиIэ къудамэм.

Лъахэхутэм, этнографием, гъуазджэм, математикэм, культурологием, хуитыныгъэм, медицинэм, биологием, экологием, гъуазджэм ятеухуа лэжьыгъэ купщIафIэхэр утыку къизыхьа ныбжьыщIэхэм Къэбэрдей-Балъкъэрым щыхьэщIащ махуэ зыбжанэкIэ. А махуэхэм къриубыдэу еджакIуи 123-м я лъахэм ехьэлIа къэхутэныгъэ лэжьыгъэхэм тепсэлъыхьащ.

Абыхэм хэплъащ КъБР-м и щIэныгъэлIхэр, гъуазджэм и лэжьакIуэхэр, егъэджакIуэхэр. ЗэIущIэм щытекIуахэр щIыхь тхылъхэмкIэ ягъэлъэпIащ.

КъызэгъэпэщакIуэхэм зэрыжаIамкIэ, мы зэIущIэр 8-нэу зэхашэ, илъэс къэс ирагъэкIуэкIыну яубзыхуа Iуэхугъуэщ.

Фырэ Анфисэ.

  • 34 просмотра
Поделиться: