ЩIыналъэм щыпэрытщ

Къэбэрдей-Балъкъэрым и щIыналъэхэм псоми зэхэту кIэртIофу къыщрахьэлIэжам и процент 50-р Дзэлыкъуэ щIыналъэм къылъос: нэгъабэ, зэкIэ къызэрабжамкIэ, тонн мин 77-рэ абы къыщатIыжащ.

Иужьрей илъэситхум кIэртIофым и бэвагъым къыхэхъуэ зэпыту екIуэкIащ икIи, а пIалъэм къриубыдэу, хуэдэ 1,8-кIэ абы хагъэхъуащ.

Илъэс блэкIам зы гектарым ику иту центнер 233,8-рэ къытрахащ, республикэм ику иту къыщрахьэлIэжам нэхърэ ар проценти 9,5-кIэ нэхъыбэщ.

Дзэлыкъуэ щIыналъэм къыщагъэкI кIэртIофыр крахмалкIэ, цIыхум и узыншагъэмкIэ щхьэпэ пкъыгъуэхэмкIэ бейщ. Абы нэмыщI, ахэр бгы лъапэхэм къызэрыщагъэкIым и фIыгъэкIэ щIыгъэпшэр IэрыщIу кIэщIалъхьэр нэхъ мащIэщ.

Псом нэхърэ нэхъыщхьэращи, Дзэлыкъуэ куейм и кIэртIоф фIагъ лъагэ зиIэр республикэм имызакъуэу, къэралым и щIыналъэ куэдым къыщацIыху икIи щIэупщIэ иIэщ.