Гъунэгъу зэхущытыкIэфIхэм тету

КъБР-м и Iэтащхьэ КIуэкIуэ Казбек Мэзкуу щыхуэзащ КъШР-м и УнафэщI Темрезов Рашид. 

- Нобэ си къуэш лъапIэ, си лэжьэгъу, КъШР ­къуэш республикэм и УнафэщI Темрезов Рашид Бориспий и къуэм сыхуэзащ, - иритхащ Iэтащхьэм и телеграм-каналым. - Ди республикитIыр дяпэкIэ зэрызэдэлэжьэну лъэныкъуэхэм дытепсэ­лъыхьащ, мэкъумэш къудамэмрэ туриз­мэмрэ инвестицэхэр къызэретшэлIэну щIыкIэм и гугъу тщIащ. 
ЦIыхухэм я гъащIэр ефIэкIуэн папщIэ, ди Пре­зидент Путин Владимир Владимир и къуэм къы­хилъхьа лъэпкъ проектхэр зэрылажьэмкIэ дызэ­дэгуэшащ. Дауи, дытепсэлъыхьащ иджыпсту дзэ Iуэху хэхам щыIэхэм зэрызащIэдгъакъуэ щIыкIэ­хэм, «Хэкум и хъумакIуэхэр» фондым и лэжьыгъэм и Iуэху зехьэкIэми и гугъу тщIащ. Дзэ Iуэху хэхам и ветеранхэр Хэку зауэшхуэм и пэжыр ящымы­гъупщэным хуэгъэпса дауэдапщэхэм зэрыхэтыр сэбэп мэхъу къыдэкIуэтей щIэблэр хэкупсэу гъэсэнымкIэ, къызыхэкIар ящымыгъуп­щэнымкIэ. 
ДяпэкIи гъунэгъу зэхущытыкIэфIым дызэ­рытетынумкIэ дызэгурыIуащ. Абы ­хиубыдэнущ щэнхабзэм, спортым, егъэ­джэ­ныгъэм, щIалэгъуалэ проектхэм епха лэжьыгъэхэр.