Жыгхэр щIрахым и щхьэусыгъуэр

Иужьрей зэманым къалэ уэрамхэм щыдолъагъу гъуэгу Iуфэм Iут жыгхэр ирахыу, я щхьэкIэр пахыу. Къа­лэдэсхэр абыкIэ арэ­зыкъыми, «сыт ди бынхэр зэрыбэуэнур, къалэр жы­гыншэ ящIмэ?», - жаIэу Интернетым щызэхуотхьэу­сыхэж. Сыт-тIэ, жыгхэр къыщIратхъыжыр?

Коммунальнэ, мэз IуэхущIапIэхэм я пщэрылъщ къалэм къэкIыгъэу дэтым кIэлъыплъыныр. Мы IуэхущIапIэхэр зэуIуу мэлажьэ, икIи уз зыпкърыт, зи кур ифыкIа, зэран хъу, теплъэм къемызэгъ, лейуэ къащыхъу жыгхэр ираупщIыкI. Ауэ абы и пэ къихуэу биологхэр кърагъэблагъэри, Iуэ­хур зэхагъэкI. Псалъэм папщIэ, дамыгъэ плъыжь зытедза жыг къэфлъагъумэ, зэвгъащIэ - ахэр куэд дэмыкIыу ираупщIыкIынущ.
Ухуэныгъэ щрагъэкIуэкIыну щIыпIэхэм ит жыгхэри щрах къохъу.
Зи гугъу тщIы лэжьыгъэр щрагъэкIуэкIыр гъатхэпэращ, ауэ пщIантIэ кIуэцIым жыг гъуа дэтмэ, МЧС-р ­къра­джэ.