IэмалыщIэхэр къагъэсэбэпРеспубликэ клиникэ сымаджэщым микрохирургием и Iэмалхэр къагъэсэбэпу нэм щеIэзэ и къудамэм иджырей мардэхэм тету къыдагъэкIа «Центурион» IэмэпсымэщIэр къащэхуащ. - ФIагъ лъагэ зиIэ аппаратым катарактэ узыфэр гъэхъужынымкIэ яIэ Iэмалхэм къыхигъэхъуэнущ икIи а IуэхумкIэ республикэр пэрытхэм ящыщ хъунущ. Зэманышхуэ темыкIуадэу, хирургие и лъэныкъуэкIэ нэм зэреIусэ щымыIэу операцэ зэращI Iэмыпсымэу Къэбэрдей-Балъкъэрым щыIэр мыбы и закъуэщ. Нэхъыщхьэращи, абы иужькIэ сымаджэм и узыншагъэр псынщIэу зэтоувэж, - жиIащ КъБР-м Узыншагъэр хъумэнымкIэ и министерствэм и пресс-IуэхущIапIэм и унафэщI Тарим Алисэ. Аппаратым сом 6567765-рэ и уасэщ, ар медицинэ IуэхущIапIэм и мылъкукIэ къащэхуащ. 2022 гъэм и япэ мазищым Республикэ клиникэ сымаджэщым микрохирургием и Iэмалхэр къагъэсэбэпу нэм щеIэзэ и къудамэм операцэ 90 щрагъэкIуэкIащ. ФIэкIыпIэ зимыIэ медицинэ страхованэмкIэ полисыр къэбгъэсэбэпу нэхэм пщIэншэу ебгъэIэзэфынущ.
Поделиться:
Читать также:
13.05.2024 - 15:21 →
Мамырыгъэм и жьэгур Налшык щызэщIагъэблащ
13.05.2024 - 12:10 →
ФIыуэ флъагъухэм закъевгъащIэ!
12.05.2024 - 13:02 →
Iуащхьэмахуэ даха ныпхэр
12.05.2024 - 12:58 →
Бзэ зимыIэр лъэпкъыншэщ
11.05.2024 - 15:33 →
Дунейм и нэху
|