«Къэбэрдей-Балъкъэр Республикэм щрагъэкIуэкI щIалэгъуалэ политикэм и IуэхукIэ» Къэбэрдей-Балъкъэр Республикэм и Законым теухуауэ
«Къэбэрдей-Балъкъэр Республикэм и Парламентым УНАФЭ ЕЩI:
- «Къэбэрдей-Балъкъэр Республикэм щрагъэкIуэкI щалэгъуалэ политекэм теухуауэ» Къэбэрдей-Балъкъэр Республикэм и Законыр къэщтэн.
- А Законыр Къэбэрдей-Балъкъэр Республикэм и Iэтащхьэм хуегъэхьын Iэ щIидзын икIи хэIущIэIу ищIын папщIэ.
- Мы Унафэм къэру егъуэт къыщащта махуэм щегъэжьауэ.
Къэбэрдей-Балъкъэр Республикэм и Парламентым и УнафэщI ЕГОРОВЭ Татьянэ
Налшык къалэ
2022 гъэм мэлыжьыхьым и 2I-м
№492-П-П
Къэбэрдей-Балъкъэр Республикэм щрагъэкIуэкI щIалэгъуалэ политикэм и IуэхукIэ
Къэбэрдей-Балъкъэр Республикэм и Закон
Къэбэрдей-Балъкъэр Республикэм и Парламентым къищтащ 2022 гъэм мэлыжьыхьым и 21-м
1 статья. Мы Законым зэблигъэкI Iуэхухэр
«Урысей Федерацэм щрагъэкIуэкI щIалэгъуалэ политикэм и IуэхукIэ» 2020 гъэм дыгъэгъазэм и 30-м къащта Федеральнэ закон №489-ФЗ-м (адэкIэ - Федеральнэ законщ) тету мы Законым зэблегъэкI Урысей Федерацэм и субъектхэм я къэрал властым и органхэм ирата полномочиехэм къриубыдэу Къэбэрдей-Балъкъэр Республикэм щIалэгъуалэ политикэр щыпхыгъэкIыным пыщIа зэхущытыкIэхэр.
2 Статья. Мы Законым къыщыгъэсэбэпа жыIэгъуэ нэхъыщхьэхэр
Мы Законым къыщыгъэсэбэпа жыIэгъуэ нэхъыщхьэхэр къызэрыбгурыIуапхъэр Федеральнэ законым зэриубзыхум хуэдэущ.
3 Статья. Къэбэрдей-Балъкъэр Республикэм щIалэгъуалэ политикэм и лъэныкъуэкIэ и законодательствэр
Къэбэрдей-Балъкъэр Республикэм щIалэгъуалэ политикэм и лъэныкъуэкIэ и законодательствэм и лъабжьэщ Урысей Федерацэм и Конституцэм, Федеральнэ законым, Урысей Федерацэм щIалэгъуалэ политикэм ехьэлIа и адрей хабзэ мардэхэм, Къэбэрдей-Балъкъэр Республикэм и Конституцэм я Iуэхугъуэхэр икIи абы хеубыдэ мы Законыр, Къэбэрдей-Балъкъэр Республикэм щIалэгъуалэ политикэм хиубыдэ Iуэхухэр зэблэзыгъэкI и адрей хабзэ мардэхэр.
4 Статья. Къэбэрдей-Балъкъэр Республикэм щIалэгъуалэ политикэр щыпхыгъэкIыныр
Щылэгъуалэ политикэр пхыгъэкIынымкIэ Федеральнэ законым иубзыху унэтIыныгъэхэмрэ хэкIыпIэхэмрэ япкъ иткIэ Къэбэрдей-Балъкъэр Республикэм и къэрал властым и органхэм а Iуэхур дагъэкIын папщIэ:
- цIыхухэм хэкур фIыуэ ялъагъуу, къэралым хуэпэжу, нэхъыжьхэм я хабзэм тету, тхыдэм пщIэ хуащIу, тхыдэ, щэнхабзэ, лъэпкъ хъугъуэфIыгъуэхэр, Урысей Федерацэм и лъэпкъхэм я адрей хабзэхэр яхъумэу гъэсэным хуэгъэза лэжьыгъэхэр къызрагъэпэщ;
- щIалэгъуэлэм яку лъэпкъ, дин зэгурыIуэныгъэ дэлъыныр, щIалэгъуалэ зэгухьэныгъэхэр экстремизмэм и Iэужьхэм я щыхъумэныр къызэзыгъэпэщ Iуэхугъуэхэр зэхалъхьэ икIи ахэр ягъэзащIэ;
- цIыху ныбжьыщIэхэм ящыщу гъащIэ гугъуехьым хэхуахэм, ныкъуэдыкъуагъэ зиIэ щIалэгъуалэм, апхуэдэу сабий зеиншэхэмрэ адэ-анэм я жьауэм щIэмытыжу къэна сабийхэм папщIэ юридическэ, социальнэ, психологие дэIэпыкъуныгъэхэр къызрагъэпэщ;
- социальнэ мыхьэнэ хэха зиIэ жэрдэму щIалэгъуалэм къыхалъхьэхэр гъэзэщIэнымкIэ Iэмалхэр къызэрагъэпэщ;
- щIалэгъуалэм творческэ, инновацэ лэжьыгъэхэр ирагъэкIуэкIын папщIэ зэгурыIуэныгъэхэм япкъ иткIэ фейдэ къэлэжьыным нэмыщIа организацэхэм иджырей законодательствэм тету хухах Къэбэрдей-Балъкъэр Республикэм и мылъкум хиубыдэ ухуэныгъэхэр;
- щIалэгъуалэм ядэIэпыкъуным хуэгъэза жылагъуэ лэжьыгъэр дэгъэкIыным толажьэ;
- щIалэгъуалэм социальнэ Iуэху тхьэбзэхэр яхуэщIэнымкIэ сэбэп мэхъу;
- щIалэгъуалэм загъэпсэхуным, абыхэм я узыншагъэр егъэфIэкIуэным, туризмэм, физкультурэм, спортым, адрей зыгъэпсэхукIэхэм дегъэхьэхыным хуэгъэза Iуэхухэр дагъэкI;
- узыншагъэр хъумэныр къызэзыгъэпэщ псэукIэм щIалэгъуалэр зэрыдрагъэхьэхыным хущIокъу;
- щIалэгъуалэр щхьэрыутIыпщу щымытыным, хабзэр къызэпамыудыным, ВИЧ уз зэрыцIалэм пыщIа узыфэхэр къемыуэлIэным, ахэр наркотикхэм, тутыным, фадэм, акъылыр зэIызыгъыхьэ адрей щхъухьхэм ящыхъумэным хуэгъэза профилактикэ лъэжьыгъэхэр къызрагъэпэщ;
- щIэныгъэ зэгъэгъуэтыным и лъэныкъуэкIэ пэрыуэ щымыIэным хуэгъэзауэ зыхуэфащэ хэкIыпIэхэмрэ шэсыпIэхэмрэ зэтрагъэувэ;
- студентхэмрэ еджакIуэхэмрэ папщIэ егъэджэныгъэ, щэнхабзэ-щIэныгъэ программэхэр зэхалъхьэ икIи ягъэзащIэ;
- производствэм, щIэныгъэмрэ техникэмрэ, щэнхабзэм, гъуазджэм, Къэбэрдей-Балъкъэр Республикэм зегъэужьыным пыщIа нэгъуэщI IэнатIэхэм щылэжьэнымкIэ щIалэгъуалэм я жэрдэмыр даIыгъщ;
- Къэбэрдей-Балъкъэр Республикэм щIалэгъуалэ политикэм ехьэлIа и къэрал программэм ипкъ иткIэ зэфIэкIышхуэ къэзыгъэлъагъуэ ныбжьыщIэхэм ядоIэпыкъу;
- щIалэгъуалэм ящыщу нэхъ зэфIэкI къэзыгъэлъэгъуахэр ныбжьыщIэхэм я творчествэмкIэ щIыналъэ зэхуаку, урысейпсо, дунейпсо зэпеуэхэм хэтыныр къызэрагъэпэщ;
- щIалэгъуалэр лэжьапIэ IэнатIэкIэ къызэгъэпэщыным, абыхэм я щхьэ зэрапIыжын хэкIыпIэхэр зэтрагъэувэным, хьэрычэт Iуэхум зезыта ныбжьыщIэхэм защIэгъэкъуэным ехьэлIа Iуэхугъуэхэр дагъэкI;
- IэщIагъэ къыхэхыным, лэжьапIэ увыным, IэщIагъэм хуеджэным теухуа чэнджэщхэр, нэщIу щыIэ лэжьапIэ IэнатIэхэм ятеухуа информацэр хэIущIыIу ящI;
- къуажэ щIалэгъуалэхэм я зэфIэкIыр къагъэсэбэпынымкIэ Iэмалхэр къызэрагъэпэщ;
- щIалэгъуалэм хьэрычэт IуэхумкIэ яIэ зэфIэкIым зегъэужьыным хуэунэтIа егъэджэныгъэ программэхэр ягъэзащIэ;
- щIалэгъуалэ, сабий жылагъуэу зэгухьэныгъэу законым къызэригъэувым тету зезыгъэтхахэм икIи Къэбэрдей-Балъкъэр Республикэм и къэрал дэIэпыкъуныгъэ къэзыгъэсэбэм щIалэгъуалэ, сабий жылагъуэ зэгухьэныгъэхэм я республикэ реестрым итхэм къэрал дэIэпыкъуныгъэ къыхузэрагъэпэщ;
- щIалэгъуалэ политикэр пхызыгъэкIын IэщIагъэлIхэр гъэхьэзырынымкIэ лэжьыгъэхэр яубзыху;
- щIалэгъуалэр унагъуэм, унагъуэ хабзэхэмрэ зэхущытыкIэхэмрэ пщIэ хуащIу, адэ-анэм къабгъэдэхуэ жэуаплъыныгъэр къагурыIуэу гъэсэным хуэгъэза лэжьыгъэхэр ягъэзащIэ;
- Къэбэрдей-Балъкъэр Республикэм и къэрал программэхэм япкъ иткIэ псэупIэхэр егъэфIэкIуэнри хэту, псэуныгъэ и лъэныкъуэкIэ щыIэ гугъуехьхэр дагъэкIынымкIэ унагъащIэхэм ядоIэпыкъу;
- волонтер лъэжьыгъэм зегъэужьыным хуэунэтIа Iуэхухэр зэхалъхьэ икIи ягъэзащIэ;
- щIалэгъуалэ политикэр пхыгъэкIынымкIэ лэжьыгъэр информацэкIэ къызэгъэпэщынымкIэ дэIэпыкъуэгъу мэхъу;
- нэхъ зэфIэкIышхуэ зиIэ нэхъыжьхэр лэжьыгъэ IэнатIэм нэхъыщIэхэм щакIэлъыплъынымкIэ Iэмалхэр къызэрагъэпэщ;
- муниципалънэ щIыналъэм щIалэгъуалэ политикэр щыпхыгъэкIыным, щIалэгъуалэм я сэбэп зыхэлъ Iуэхухэр гъэзэщIэным хуэунэтIауэ щIыпIэ унафэр зезыгъакIуэ органхэм ядолажьэ.
- Къэбэрдей-Балъкъэр Республикэм и гъэзэщIакIуэ властым и органхэм щIалэгъуалэ политикэм и IэнатIэм ехьэлIа я полномочиехэр
Къэбэрдей Балъкъэр Республикэм и гъэзэщIакIуэ властым и органхэм щIалэгъуалэ политикэм и IэнатIэм ехьэлIа я полномочиехэм хеубыдэ:
- щIалэгъуалэ политикэр Къэбэрдей -Балъкъэр Республикэм и щIыналъэм щыпхыгъэкIыныр;
- Урысей Федерацэм щIалэгъуалэ политикэм и IэнатIэм пыщIа и къэрал программэхэр гъэзэщIэным хэтыныр;
- щIалэгъуалэ политикэр пхыгъэкIынымкIэ республикэм и къэрал организацэхэм я лэжьыгъэр зэблэгъэкIыныр икIи абыхэм методикэ дэIэпыкъуныгъэ етыныр;
- Къэбэрдей-Балъкъэр Республикэм и социальнэ-экономикэ, экологие, демографие, лъэпкъ, лъэпкъ - щэнхабзэ къинэмыщI къыхэщхьэхукIыныгъэхэр къэлъытауэ, Къэбэрдей-Балъкъэр Республикэм, щIалэгъуалэ политикэм и унэтIыныгъэ нэхъыщхьэхэм яхуэгъэза и къэрал, щIыналъэ, муниципальнэ программэхэр зэхэлъхьэныр, къэщтэныр, гъэзэщIэныр;
- Къэбэрдей-Балъкъэр Республикэм щIалэгъуалэ политикэм и инфраструктурэм зиужьынымкIэ Iэмалхэр щызэтрегъэувэныр;
- щIалэгъуалэм я жэрдэмыр ядэIыгъынымкIэ хэкIыпIэхэр убзыхуныр икIи ахэр къэгъэсэбэпыныр;
- езыхэм я компетенцэм къриубыдэу икIи Урысей Федерацэм и законодательствэм тету щIыпIэ унафэр зезыгъакIуэ органхэм, дунейпсо, нэгъуэщI къэрал организацэхэм щIалэгъуалэ политикэм и лъэныкъуэкIэ ядэлэжьэныр;
- Къэбэрдей-Балъкъэр Республикэм щIалэгъуалэ политикэр щыпхыгъэкIыным кърикIуэ Iуэху нэхъыщхьэхэм ятеухуауэ гъэ къэс доклад гъэхьэзырыныр, ар Къэбэрдей-Балъкъэр Республикэм и Iэтащхьэм, Къэбэрдей-Балъкъэр Республикэм и Парламентым яхуегъэхьыныр, ар хэIущIыIу щIыныр;
- Къэбэрдей-Балъкъэр Республикэм къэрал дэIэпыкъуныгъэ щызиIэ щIалэгъуалэ, сабий жылагъуэ зэгухьэныгъэхэм я республикэ реестрыр зэтегъэувэнымрэ ар тхынымрэ;
- Къэбэрдей-Балъкъэр Республикэм и щIыналъэм щIалэгъуалэ политикэр щыпхыгъэкIыныр къызэрызэгъэпэщам кIэлъыплъыныр;
- Къэбэрдей-Балъкъэр Республикэм щIалэгъуалэ къэрал политикэр зэрыщыпхагъэкIын щIыкIэмрэ абы къыпэкIуэ сэбэпынагъымрэ убзыхуныр;
- щIалэгъуэ Iуэхухэм япыщIа IэщIагъэлIхэм я лэжьыгъэр къызэгъэпэщыныр;
- щIалэгъуалэ политикэр муниципальнэ щIыналъэм щыпхыгъэкIынымкIэ щIыпIэ унафэр зезыгъакIуэ органхэм защIэгъэкIуэныр;
- щIалэгъуалэ политикэм и IэнатIэм хиубыдэу Федеральнэ законым, адрей федеральнэ законхэм, мы Законым, Къэбэрдей-Балъкъэр Республикэм и адрей законхэм япкъ иткIэ Къэбэрдей-Балъкъэр Республикэм и гъэзэщIакIуэ властым и органхэм ирата адрей полномочиехэр дэгъэкIыныр.
6 Статья. ЩIалэгъуалэм ядэлэжьэнымкIэ чэнджэщэгъу, консультативнэ, къинэмыщI органхэр
- Къэбэрдей-Балъкъэр Республикэм и къэрал органхэм, щIыпIэ унафэр зезыгъакIуэ органхэм я деж щIалэгъуалэм ядэлэжьэнымкIэ чэнджэщэгъу, консультативнэ, къинэмыщI органхэр къыщызрагъэпэщ хъунущ.
- ЩIалэгъуалэм ядэлэжьэнымкIэ чэнджэщэгъу, консультативнэ, къинэмыщI органхэм я компетенцэр, абыхэм я зэхэлъыкIэмрэ лэжьэкIэмрэ яубзыху Къэбэрдей-Балъкъэр Республикэм и къэрал властым и органхэу, щIыпIэ унафэр зезыгъакIуэ органхэу ахэр къызэзыгъэпэщхэм.
7 статья. Къэбэрдей-Балъкъэр Республикэм щIалэгъуалэ политикэр щыпхыгъэкIыным, пыщIа лэжьыгъэхэр финансхэмкIэ къызэгъэпэщыныр.
Къэбэрдей-Балъкъэр Республикэм щIалэгъуалэ политикэр щыпхыгъэкIыным пыщIа лэжьыгъэхэр финансхэмкIэ къызэрагъэпэщ Къэбэрдей-Балъкъэр Республикэм зыхуэфащэ финанс илъэсым, абы къыкIэлъыкIуэ лъэхъэнэм тещIыхьа и республикэ бюджетым а мурадым щыхухахам къриубыдэу, апхуэдэу федеральнэ законодательствэм, Къэбэрдей-Балъкъэр Республикэм и законодательствэм япкъ иткIэ нэгъуэщI финанс хэкIыпIэхэр къагъэсэбэпурэ.
8 Статья. КIэух Iуэхугъуэр
Къару имыIэжу къэлъытэн «Къэбэрдей-Балъкъэр Республикэм щрагъэкIуэкI щIалэгъуалэ политикэм и IуэхукIэ» 1993 гъэхэм бадзэуэгъуэм и 22 -м къащта Къэбэрдей-Балъкъэр Республикэм и Закон №1544-ХII-3-м.
Къэбэрдей-Балъкъэр Республикэм и Iэтащхьэ КIУЭКIУЭ Казбек
Налшык къалэ
2022 гъэм накъыгъэм и II-м
№17-РЗ
