ШащIэ Беллэ и текIуэныгъэ

Урысей ФСИН-м и Управленэу Къэбэрдей-Балъкъэрым щыIэм и лэжьакIуэхэм я бынхэр хэтщ республикэм и хабзэхъумэ IуэхущIапIэхэм сабийхэм папщIэ щIэх-щIэхыурэ къызэрагъэпэщ творческэ зэпеуэ зэмылIэужьыгъуэхэм икIи абыхэм къыхожаныкI.

Къапщтэмэ, иджыблагъэ зэхалъхьэжащ Къэрал кIуэцI IуэхухэмкIэ министерствэу КъБР-м щыIэм иригъэкIуэкIа «Полицейский дядя Стёпа» къэралпсо зэпеуэм кърикIуахэр. Илъэсихым къыщыщIэдзауэ илъэсибгъу хъухэр щызэхьэзэхуа Iыхьэм нэхъыфIу къыщалъытащ УФСИН-м и колоние №1-м и лэжьакIуэм ипхъу ШащIэ Беллэ и IэдакъэщIэкIыр. Абы и лэжьыгъэр Москва ягъэхьащ къэралпсо зэпеуэм и кIэух Iыхьэм хэтыну. Дыщыгугъынщ абыи Беллэ гулъытэ къыщыхуащIыну.
Пщащэ цIыкIур щIыхь тхылърэ саугъэткIэ игъэгуфIащ къэрал кIуэцI IуэхухэмкIэ министру республикэм щыIэ, полицэм и генерал-лейтенант Павлов Василий.
 

 

ЗЭБАР Мадинэ, КъБР-м щыIэ УФСИН-м и пресс-IэнатIэм и унафэщI.
Поделиться: