Республикэм и Iэтащхьэм и махуэшхуэ хъуэхъу

Къэбэрдей-Балъкъэрым ис муслъымэнхэм ­Къурмэн махуэшхуэмкIэ си гуапэу ­сохъуэхъу.
А пIалъэ лъапIэр лIэщIыгъуэ Iэджэ лъандэрэ ­къокIуэкI диныр зыIыгъхэр ислъамым и фIыгъуэ­хэм яхуиущийуэ, гущIэгъум, захуагъэм, фIэщхъу­ныгъэм къыху­риджэу, псапэмрэ къабзагъэмрэ я псэр хуигъэушэу. Ислъамым, ди къэралым ис адрей лъэпкъхэм яIыгъ динхэм яхэлъ апхуэдэ гурыщIэ лъагэхэр зэгурыIуэныгъэм, жылагъуэ зэакъылэ­гъуныгъэм, Урысейм лъэпкъ куэду зэхэт и цIыхубэм я зэ­къуэтыныгъэм толажьэ икIи ар къэралым и ­къарумрэ ефIэкIуэныгъэмрэ я лъабжьэу сытым дежи щытщ.
Къэбэрдей-Балъкъэрым и муслъымэнхэр ди жы­лагъуэ гъащIэм жыджэру хэтщ. Дэ пщIэшхуэ ­худощI ди зэхущытыкIэхэр гъэтэмэмыным, цIыху­бэм я зэакъылэ­гъуныгъэр зэтегъэувэным, ди республикэм мамырыгъэрэ зэгурыIуэныгъэрэ ­илъы­ным хуэгъэзауэ абыхэм ирагъэкIуэкI лэжьыгъэм.
Къэбэрдей-Балъкъэрым ис псоми сохъуэхъу узыншагъэ, фIыгъуэ, зыужьыныгъэ яIэну, ира­гъажьэ IуэхуфI псори къехъулIэну.