УФСБ-м къет

Илъэсрэ мазитхурэ тралъхьащ

Экстремизмэм пэщIэтыным ехьэлIа Iуэхухэр ирагъэкIуэкIыу Урысей ФСБ-м и Управленэу КъБР-м щыIэм и лэжьакIуэхэм къызэпаудащ Прохладнэ районым щыпсэу, илъэс 37-рэ хъум илэжь щIэпхъаджагъэр. 
Хабзэм и лэжьакIуэхэм къыщIагъэщащ Атаев З. Б. экстремист Iуэхум зэрыпыщIар, республикэм щыпсэухэр щIэпхъаджащIэ гупхэм хишэну зэрыхэтар. 
Прохладнэ район судым и унафэ къару зыгъуэтамкIэ Атаев З. Б. къуаншэу къалъытащ УФ-м и УК-м и 280-нэ статьям и I-нэ Iыхьэм къыщыхьа щIэпхъаджагъэр зэрилэжьамкIэ икIи условнэу зы илъэсрэ мази 5-рэ тралъхьащ. 

НаркотикхэкIхэр игъэкIыным пыщIат

КъБР-м щыIэ УФСБ-мрэ МВД-мрэ я лэжьакIуэхэм наркотикхэкIхэр игъэкIыным пэщIэт Iуэхухэр ирагъэкIуэкIыу къызэпаудащ Май къалэм щыпсэум илэжь хабзэншагъэр - хуит ямыщI пкъыгъуэхэр республикэм и щIыналъэм щигъэкIыным пыщIауэ къыщIагъэщащ. 
ЦIыхухъур къыщащым къыкъуахащ «N-метилэфедрон синтетикэ наркортикхэкI грамм I9. 
Май къалэ судым ар къуаншэу къилъытащ УФ-м и УК-м и 30-м статьям и 3-нэ Iыхьэм, 228.I статьям и 4-нэ Iыхьэм къыщыхьа щIэпхъаджагъэхэр илэжьауэ икIи илъэси 8 трилъхьащ, хабзэм ебэкъуахэр нэхъ ткIийуэ щаIыгъ тутнакъэщым исыну. 
Унафэм къару игъуэтащ.