ЩIыуэпсым хузэфIокI цIыхур зыхуэныкъуэ псомкIи игъэнщIыну. Абы гъащIэ къегъэщI, деIыгъ, зэтрекъутэж и чэзур къыщысым деж. Пэжщ, цIыхум ехъулIэныгъэшхуэхэр зригъэгъуэтащ, щIэныгъэр къигъэщIащ, ауэ щIыуэпсым пэщIэтыну, ебэныну хузэфIэкIыркъым. Дэ зыри тхуещIэркъым щIыхъейм, къэбэкъауэм, псыдзэм. ЦIыхур жыжьэ дыдэ Iэбауэ, куэд къихутауэ къыщыхъужми, укъэзыгъэуIэбжьыр щыгъунэжщ дыкъэзыхъуреихь дунейм.
1. Аргъуейхэм мелуан бжыгъэкIэ цIыхухэр яукI илъэс къэс.
2. Плутоныр къызэрахутэрэ и орбитэм зэ къекIуэкIакъым. Сыту жыпIэмэ, ар и орбитэм илъэс 248-м зэ къекIуэкIыу аращ, езыр къыщызэIуахар 1930 гъэращ.
3. ЩIылъэм бактерий щимыцIыхуа лъэхъэнэ щыIащ. Абы щыгъуэ жьы хъуа жыгышхуэхэр лъэхъыцым имыIыгъыжыфу уа нэужь бактериехэм ямышхыжу, щылъурэ фIамыщI хъужырт. Апхуэдэущ нобэр къыздэсым цIыхум щIым къыщIих фIамыщIыр къызэрыунэхуар.
4. Жэщ уафэм ущиплъэкIэ, Мазэр благъэ дыдэу, апхуэдэуи мыин Iейуэ къыпфIощI. Ауэ Шыхулъагъуэ Галактикэм вагъуэрэ планетэу итыр Мазэмрэ ЩIымрэ я зэхуакум тынш дыдэу дэзэгъэнущ. ИкIи фщIэрэ?... ЩIыпIэ нэщI тIэкIуи къэнэнущ уеблэмэ.
5. Илъэс мелуанищ ипэ ЩIым цIыху лIэужьыгъуи 4 щыпсэуащ. Абы щыхьэт техъуэ мывэхэр къагъуэтри яджащ нэмыцэ щIэныгъэлIхэм. Ауэ зыми ищIэркъым а цIыхухэр зэрыщIэу, зыжьэхэуэу дунейм щызэхэзекIуами.
6. Нэхъапэм пхъыр шэкъафэу икIи дыджу щытащ. Ар гъуэжь-плъыжьыфэ щыхъуар I6-нэ лIэщIыгъуэращ, Голландием и фермерхэм ягъэкIын щIадза нэужь.
7. Псэущхьэу дунейм тетым я ДНК-р мафIэм исыркъым.
8. Махъшэм зэуэ ирефыф псы литр 200. Абы дакъикъищ тригъэкIуадэу аращ. Ар нэпсейуэ аракъым, атIэ апхуэдэ щIыкIэкIэ хуабэм зыщехъумэ. Сыту жыпIэмэ, махъшэр щызэхэзекIуэ къум хуабэвэхым псэущхьэм и кIуэцIфэцIыр къигъэплъу, иукIынкIэ хъунут.
9. Жьыхъарзым и къарур ядернэ лагъым мини 10 хуэбгъэдэну лъэщщ.
10. ЦIыхум и Iэпкълъэпкъым бетоным нэхърэ нэхъ быдэу къупщхьэ пкърылъщ! Ар куэпкъырщ.
11. Броненосец жыхуаIэ псэущхьэм и цIэр ауэ сытми фIащакъым. Абы и щIыфэ Iувым шэ кIуэцIрыкIыркъым.
12. Илъэс меларди 3,75-рэ дэкIмэ, Андромедэ галактикэмрэ Шыхулъагъуэмрэ зэжьэхэуэнущ.
13. Бжьэхэм апхуэдизкIэ лэжьыгъэшхуэ ирагъэкIуэкIри, удз гъэгъам и IэфIыпсыр зэхуахьэсу здытесым, ешауэ Iурихыурэ мэжей.
14. Иужьрей къэхутэныгъэхэм къызэрагъэлъэгъуамкIэ, дунейм гужьгъэжьыр нэхъ зыхуэзыхьэсу тетыр къаплъэнхэращ.
15.ЦIыхур иджы нэхъ губзыгъэ хъуауэ къалъытэми, иужьрей илъэс мини 10-м къриубыдэу и щхьэкуцIыр нэхъ цIыкIу хъуауэ аращ, армыхъумэ хэхъуакъым.
