Сабийхэм къабгъэдэкI письмохэр

Республикэм и хабзэхъумэ IэнатIэхэм я лэ­жьакIуэхэм я сабийхэри хэтащ «Сэлэтым деж кIуэ письмо» акцэм. Урысей гвардием и дзэ ­къулыкъущIэхэрэ и лэжьакIуэхэу зи къалэнхэр зэгъэбыдылIа частхэм пэIэщIэу езыхьэкIхэм ныбжьыщIэхэм хуатхащ абыхэм зэрыригушхуэр къызыхэщ тхыгъэхэр. 

Апхуэдэуи сабийхэм ягъэхьэзыращ Урысей гвардием и лэжьакIуэхэм я хахуагъэмрэ псэе­мыб­лэжыныгъэмрэ папщIэ фIыщIэ зэрыхуащIыр къыщагъэлъагъуэ открыткэхэмрэ сурэтхэмрэ. Ахэр псори Урысей гвардием и управленэу КъБР-м щыIэм иратащ, зыхуатхахэм Iэрагъэхьэжын пап­щIэ. 
- Мыпхуэдэ письмохэм дзэ къулыкъур езыхьэкI­хэр къызэщIаIэтэ, ягъэгушхуэ, - жиIащ полицэм и щIыналъэ управленэм и лэжьакIуэ, майор КIэфо Залым.