ЩIэблэр наркотикым щыхъумэн

17 апреля, 2023 - 07:58

«Урысейм и сабийхэр-2023» профилактикэ Iуэхум и япэ Iыхьэм хыхьэу КъБР-м щыIэ МВД-м Наркотикхэр зэрызэрагъэкIуэкIым кIэлъыплъынымкIэ и управленэм семинар-зэIущIэ щекIуэкIащ. Ар теухуат наркотикхэкIхэмрэ акъылыр зыгъэутхъуэ пкъыгъуэхэмрэ хабзэншагъэу ирагъэкIыныр къызэпыудыным, балигъ мыхъуахэр а Iуэху мыщхьэпэм щыхашэ къэмыгъэхъуным.

 Абы хэтащ республикэ УНК-м и лэжьакIуэхэр, КъБР-м щыIэ МВД-м балигъ мыхъуахэм я IуэхухэмкIэ и инспекторхэр, апхуэдэуи Урысей ФСИН-м и Управленэу КъБР-м щыIэм и Уголовнэ-гъэзэщIакIуэ инспекцэмрэ КъБР-м Узыншагъэр хъумэнымкIэ и министерствэм и «Наркологический диспансер» IэнатIэмрэ я лIыкIуэхэр. 
Семинарым и мурад нэхъыщхьэр полицэм балигъ мыхъуахэм я IуэхухэмкIэ и инспекторхэмрэ КъБР-м щыIэ УФСИН-м и УИС-мрэ я лэжьакIуэхэм наркотикым пэщIэтынымкIэ ирагъэкIуэкI лэжьыгъэм кърикIуэр егъэфIэкIуэнырщ. ЗэIущIэм щытепсэлъыхьащ къаIэта Iуэхум ехьэлIа гугъуехьхэмрэ абы и лъэныкъуэкIэ республикэм щытыкIэр зыщыхуэдэмрэ. 
Къызэхуэсахэм щыгъуазэ защIащ наркотикым пэщIэтыным хуэунэтIауэ къыхалъхьахэм. КъызэгъэпэщакIуэхэм зэIущIэм хэтахэм иратащ методикэ чэнджэщхэмрэ КъБР-м щыIэ МВД-м дзыхь зрагъэз и телефоныр зытет тхылъымпIэхэмрэ. 
 
 

ДЫГУЛЫБГЪУ Жантинэ.
  • 326 просмотров
Поделиться: