Полицейхэр токIуэ

Суд приставхэм я федеральнэ къулыкъум и Управленэу Къэбэрдей-Балъкъэрым щыIэм къызэригъэпэщри, футбол цIыкIумкIэ зэпеуэ Налшык щекIуэкIащ «На руинах Сталинграда» фIэщыгъэм щIэту. 

 Ар я фэеплът Сталинград бийм щызыхъумахэмрэ «Спартак» (Мэзкуу), «Динамо» (Сталинград) футбол командэхэм 1943 гъэм накъыгъэм и 2-м зэхэта я зэIущIэ гукъинэжымрэ. 
Утыкум къихьэнухэмрэ футболым еплъыну къызэхуэсахэмрэ фIэхъускIэ захуигъэзащ КъБР-м и суд пристав нэхъыщхьэм и къуэдзэ Ефэнды Олег. Къэрал кIуэцI къулыкъум и полковникым къызэрыхигъэщащи, ирагъэкIуэкI зэпеуэмкIэ я мурадыр бий зэрыпхъуакIуэхэр зытемыкIуэфауэ зэхакъута Сталинград къалэм и футбол губгъуэм щыджэгуа командэхэм хэтахэр, а зэман хьэлъэр цIыхухэм ягу къагъэкIыжынырщ. Абыхэм ирагъэкIуэкIа зэIущIэр фашистхэм дуней псор щызыхъумахэм я къэмылэнджэжагъэмрэ лIыгъэмрэ я дамыгъэт. 
 Кубокым щIэбэнащ командитху. Утыкум щызэхуэзащ Урысей ФССП-м и Управленэу КъБР-м щыIэм, КъБР-м щыIэ Урысей гвардием, Урысей МВД-м и управленэу Налшык къалэм щыIэм, Урысейм и Следственнэ Комитетым и Следственнэ управленэу КъБР-м щыIэм, Урысей ФСИН-м и управленэу КъБР-м щыIэм я командэхэр.
 ЗэIущIэхэм кърикIуахэмкIэ нэхъ лъэщхэр къыхахащ. Ещанэ увыпIэр яубыдащ Лъэпкъ гвардием и лIыкIуэхэм.