ЩытыкIэм я нэIэ трагъэкIыркъым

КIуэкIуэ Казбек и Телеграм каналым цIыхубэм закъыщыхуигъэзащ, уэшхышхуэ къызэрешхам къиша щытыкIэм ху­мыбэ­лэрыгъыну къыхуриджэу. 

«ПщIэ зыхуэсщIхэу республикэм щыпсэухэмрэ ди хьэщIэхэмрэ фызыхуэсакъыжыну сыныволъэIу, МЧС-м зэбгритыкI хъыбархэм факIэлъыплъ, - дыкъыщоджэ Iэтащхьэм и напэкIуэцIым. 
ЩытыкIэ гугъум иджыри махуэ зыбжанэкIэ зихъуэжынукъым. ­Урысей МЧС-м и управленэу КъБР-м щыIэми, щIыналъэ щхьэхуэ­-хэм я унафэщIхэри, къэхъукъащIэхэр зыгъэзэкIуэж бригадэхэри хьэзыру щытщ. Псым кIэлъыплъ плъырыпIэхэр жэщ-махуэ хъурейм мэлажьэ. Псыхэр къызэриуам дызригъэува щытыкIэм дыкIэлъыплъ зэпытщ.