Музейм зыщрагъэплъыхьКъэрал кIуэцI IуэхухэмкIэ министерствэу КъБР-м щыIэм и тхыдэ музейм зыщрагъэплъыхьащ КъБР-м Егъэджэныгъэмрэ щIэныгъэмкIэ и министерствэм Сабийхэмрэ щIалэгъуалэмрэ я творчествэмкIэ и уардэунэм Сабийхэр гъуэгу-транспорт фэбжьым хуэгъэпса и центрым зыщызыгъэпсэхухэм. «Зыгъэпсэхугъуэр Жылагъуэ советым щIыгъуу», ЮИД-р илъэс 50 зэрырикъум теухуа акцэхэм япкъ иткIэ къызэхуашэса ныбжьыщIэхэм ящIыгъуащ Урысей МВД-м и Управленэу Налшык къалэм щыIэм и Къэрал автоинспекцэм гъуэгум шынагъуэншэу щызекIуэныр яхэпщэнымкIэ и гупым и инспектор нэхъыжь, полицэм и капитан Борисовэ Аннэ, Сабийхэр гъуэгу-транспорт фэбжьым щыхъумэным хуэгъэпса и центрым и егъэджакIуэ Бетрожь Наталие, Центрым производственнэ егъэджэныгъэмкIэ и мастер Мэкъушэ Артем, КъБР-м щыIэ МВД-м дэлажьэ Жылагъуэ советым и лIыкIуэ Васинэ Вероникэ, республикэм щыIэ МВД-м ЩэнхабзэмкIэ и центрым и лэжьакIуэ Къардэн Таирэ сымэ. Iуэхум и къызэгъэпэщакIуэхэр ныбжьыщIэхэм яхутепсэлъыхьащ ведомствэм и тхыдэм. Сабийхэм яфIэгъэщIэгъуэну зэпаплъыхьащ экспонатхэр: милицэ фащэхэр, блэкIа илъэсхэм рызэзызэпащIэу щыта Iэмэпсымэхэр, фэеплъ дамыгъэхэмрэ хьэпшып цIыкIуфэкIухэмрэ. ЮИД-м и лIыкIуэ ныбжьыщIэхэр дихьэхат «Щыгъуэм и блыным», къэрал кIуэцI IуэхухэмкIэ органхэм я лэжьакIуэхэу зи къалэн зыгъэзащIэу хэкIуэдахэм я сурэтхэр щызэхуэхьэсам. Инспектор ныбжьыщIэхэм нэхъыжьхэм фIыщIэ хуащIащ къыхузэрагъэпэща зэIущIэм папщIэ. Абыхэм я упщIэхэм жэуап зэпкърыха къратащ, Iуэхум и кIэухыу фэеплъ сурэт зытрагъэхащ. БАХЪСЭН Азэмэт.
Поделиться:
Читать также:
13.05.2024 - 17:27 →
ЛъэхъуэщкIэ зыми ухуэмыупсэ
13.05.2024 - 15:21 →
Мамырыгъэм и жьэгур Налшык щызэщIагъэблащ
13.05.2024 - 12:10 →
ФIыуэ флъагъухэм закъевгъащIэ!
13.05.2024 - 11:24 →
ЦIыху хахуэхэр
13.05.2024 - 11:20 →
МахуиплI фIэкIа имыIэжу
|