Адыгэм хэлъа хьэлхэмрэ хабзэхэмрэПасэрей адыгэхэм eмыкlyy, лlыгъэншагъэу ялъытэрт лIым илэжьа Iуэхур «сыхъуат», «сыщIат» жиIэу иIуэтэжыныр. Апхуэдэ адыгэлl нэсым и щхьэ хуигъэфащэртэкъым. «Сеуэри сукlащ» жиlэу адыгэлIым хъыбар пхуиlуэтэнутэкъым. «Сеуащ» жиlэну и щхьэ трилъхьэртэкъым. Атlэ, хъыбарыр щиlуэтэжкlэ: «Си Iэм lэщlэлъ къамэр ехуэхри, лlыр уlэгъэ хъуащ, си Iэм lэщIэлъ фочыр уэри, лlыр джэлащ»,- жиlэрт. Апхуэдэхэр зэриlуатэр, езым и Iуэху хэмылъу, ауэ къэхъуа хуэдэут. Къипсэлъынкlэ eмыкly зыпылъхэм щхьэтечу темыпсэлъыхьу, жиlэнкlэ мыeмыкly цlэ къыхуигъуэтырт. «Си фызыр» жиIэртэкъым адыгэлIым, «унэм щlэсыр», «унэгуащэр», «пщыlэтесыр» жиlэрт армыхъу. Хьэщlэм хуэдэу нэхъыжьхэм нэмыс хуащIырт адыгэм. Нэхъыжьым андез ищтэмэ, абы и пыlэр щхьэрихырти, ар иlыгъыу щхьэщытт нэхъыщlэр, андез щтэн иухыху. Ауэ апхуэдэм нэхъыбэу щхьэщытыр цlыхубзт. Андез щтэн зэриухыу, напэlэлъэщlыр иритырти, зригъэлъэщIырт, и пыlэр щхьэритIэгъэжырт. «Анэмэту узот» жиlэрэ зыгуэрым зыгуэр иригъэхъумэну иритарэ, ар хуэмыгъэзэщlамэ, цlыхум хабжэртэкъым. Абы и пщэм къыдалъхьа Iуэхур Iэмал имыlэу игъэзэщIэн хуейуэ адыгэ хабзэм къалэн къыщищIырт. «Анэмэтым гъейрэт ухуэмыхъу!» жыхуаlэ псалъэр абы къытекlащ. Абы къикlыр «анэмэтым уемыпцlыжу гъэзащlэ» жыхуиlэщ. Адыгэм къадэгъуэгурыкlуэ хабзэхэм ящыщщ: жэм къащэхумэ, пщlантlэм къызэрыдыхьэу хугу lэбжьыб къыщlахти, жэмым тракlутэрт, «Ялыхь, мыпхуэдизкlэ тхуэгъэбагъуэ»,- жаIэрти. Зыгуэр шым шэсу урихьэлlамэ, и лъэрыгъыпсыр бубыду бгъэшэсын хуейт. «Уи адэу щытми, уи лъэрыгъыпсыр егъэубыд!»,- жаlэрт. Ипэкlэ адыгэм я хабзэу щытащ сабий быдзафэ къану къахьрэ япlу. Быдзафэ къэзыхьым, езыми быдзафэ иlэу щытащ. А сабиитlыр зэдапlырт. Зы быдзышэ щызэдефэкlэ, зы анэ къилъхуа хуэдэу зэкъуэш хъурт. Быдзафэр шым шэсу кlуэжыф хъухукlэ япIырт. Шым тетlысхьэф зэрыхъуу, шы-уанэ зэтелъ хузэрагъэпэщырт, фlыуэ яхуапэрт, шу гуп дыщlагъурти, къэзылъхуам и деж ягъэкlуэжрт. Щlалэр зейми тхьэлъэlу къарищlэкIыу яIихыжт. Арати, къану къахьу япlар зьпlам бын дыдэ хуэхъурт, къалъхуам хуэдэу. Адыгэм ижь лъандэрэ хабзэу къадэгъуэгурыкIуэрт зыгуэрым и щыгъын, и хьэпшып нэгъуэщl къехъуэпсауэ «мыр сыту дахэ» жиIамэ, «уехъуэпсамэ, узот!» жиlэрэ икlи ириту. «Узот» жиlэныр хабзэщи, жеlэр, ар жызыlэ псоми яткъым, зратыну псоми lахыркъым. Ауэ гъунэгъу, ныбжьэгъу хуэдэхэм зыlахыныр ха6зэт. «Ущехъуэпсакlэ», - жиlэу лlыгъэкlэ езыти щыlэт. Адыгэм Iэщ, псом хуэмыдэу, шы фIыуэ ялъагъуу щытащ, нобэми ялъагъу. Псом хуэмыдэу щIалэгъуалэр шыкIэ ерыщт. ШыкIэ зэныкъуэкъуныр зыпащI щыIэтэкъым. Къызэдэжэну, шыбгъэрыуэ зэдэджэгуну, шы гъэджэгункIэ зэныкъуэкъуну, шы жэрыжэм тесу еIэбыхыурэ зыгуэрхэр къащтэну яфIэфIт. Фызышэр щекIуэкIым деж, джэгуакIуэу нэхъ ауаныщIхэм ящыщ зыгуэр хахырти, хьэжы щыгъынкIэ яхуапэрт, «нэф ящIыpти» и Iэпэр яIыгъыу ирашажьэрти, унэхэм яшэрт, нысашэ зыдэт пщIантIэм къыщрашэкIт, фызыжьхэм я пащхьэм ирашэрт цIыхухэм бгъэдашэрт, абыхэм гъэщIэгъуэнхэр яжриIэурэ игъэдыхьэшхырт, абы щхьэкIэ зыгуэрхэр къратт. Апхуэдэр а махуэм екIуэкI псом нэхърэ нэхъ яфIэгъэщIэгъуэнт. Ахэр псори зытеухуар цIыхухэм я нэгу зегъэужьынырт, гуфIэгъуэр гукъинэж хъунырт. А щIыкIэм тетурэ Iэджи къыхахти, зэхэтIысхьэрти, яшхыжт, ирафыжырт.
Поделиться:
Читать также:
13.05.2024 - 17:27 →
ЛъэхъуэщкIэ зыми ухуэмыупсэ
13.05.2024 - 15:21 →
Мамырыгъэм и жьэгур Налшык щызэщIагъэблащ
13.05.2024 - 12:10 →
ФIыуэ флъагъухэм закъевгъащIэ!
13.05.2024 - 11:24 →
ЦIыху хахуэхэр
13.05.2024 - 11:20 →
МахуиплI фIэкIа имыIэжу
|