Гуп хэхам я махуэмУрысей гвардием и Управленэу КъБР-м щыIэм и унафэщI, полицэм и полковник Васильев Сергей СОБР-м и лэжьакIуэхэм ехъуэхъуащ я махуэмкIэ икIи я къалэнхэр щагъэзащIэм къыхэжаныкIа зауэлIхэм дамыгъэхэр, фIыщIэ тхылъхэмрэ тыгъэ лъапIэхэмрэ яритащ. - Фэ фщыщ куэдым ящIэж гупыр зэрызэфIэувам и тхыдэр, а илъэсхэм мыкIуэдыжын щIыхь къэзылэжьыфахэр. Кавказ Ищхъэрэм терроризмэмрэ экстремизмэмрэ щыпэщIэтыным фэ уасэ зимыIэ хэлъхьэныгъэ хуэфщIащ, щIыналъэм и зэпIэзэрытыныгъэри куэдкIэ фи фIыщIэщ. Ди жагъуэ зэрыхъущи, хэщIыныгъэхэри диIэщ. ХэкIуэда ди ныбжьэгъу зауэлIхэм я цIэхэр мыкIуэдыжыну тхыдэм хыхьащ. Фызыпэрыт IэнатIэм ехъулIэныгъэшхуэхэр фыщиIэну, фи унагъуэхэм сыт щыгъуи мамырыгъэ илъыну си гуапэщ. Псоми узыншагъэ фиIэну, лъагапIэщIэхэм фынэсыну сынывохъуэхъу. ФIыщIэ фхузощI фи къалэныр нэсу зэрефхьэкIым папщIэ! - жиIащ полицэм и полковник Васильев Сергей. Зи къалэн зыгъэзащIэу хэкIуэда я лэжьэгъухэм я фэеплъым пщIэ хуащIу, къызэхуэсахэр зэIущIэм и кIэухым дакъикъэкIэ щымащ.
Поделиться:
Читать также:
02.05.2024 - 12:43 →
Джэш хъурейм яужь йохьэ
30.04.2024 - 12:00 →
Италием бзылъхугъэу исым дахагъэкIэ ефIэкI адыгэ анэт
30.04.2024 - 10:00 →
Интернет хабзэншагъэм зэгъусэу пэщIоувэ
30.04.2024 - 09:00 →
КхъухьлъатэхэмкIи зызэпащIэ
28.04.2024 - 13:01 →
Архитекторхэм я зэфIэкIхэр
|