Курск областым доIэпыкъу

Дзэ Iуэху хэхам и зы Iыхьэу щыт, Курск областым щекIуэкI зэпэщIэтыныгъэм имыгъэпIейтей куэд щыIэ къыщIэкIынкъым. Къэбэрдей-Балъкъэ­рым щыщ псапащIэхэм гугъуе­хьыпIэм ит цIыхухэм ерыскъы хурагъэшащ иджыблагъэ. 

КъБР-м и Iэтащхьэ КIуэкIуэ Казбек и унафэкIэ щIэуэ псапэхуэщIэ хьэпшыпхэр зэхуа­хьэсри Курск областым щы­псэухэм хурагъэшащ. Хьэлъэзешэхэм ирашэжьащ пIалъэ кIыхькIэ зэмыкIуэкI ерыскъыхэкIхэр: хьэжыгъэ, кIурпIа, сэхуран дагъэ, пыченэ, къинэ­мыщIхэр. 
Къэбэрдей-Балъкъэрым и уна­фэщIхэр ялъэIэс зэпытщ Курск областым и Правительствэм икIи зэрыдэIэпыкъуфыну лъэныкъуэ псоми щыгъуазэщ. Зэрызагъэкъабзэ хьэпшыпхэмрэ псы къабзэрэ зыхэта адрей псапэхуэщIэхэм емыщхьу, Курск областым ирагъэшам гулъытэ нэхъыбэ ерыскъым щыхуащIащ: хадэхэкIхэр, макаронхэкIхэр, шей, фошыгъу, шыгъу хуэдэхэр нэхъыбэу. Ахэр езышэжьа машинэхэр нэгъэсауэ зэгъэпэщауэ гъуэгу техьащ.