Урысейм и паспорт ират

2024 гъэм и жэпуэгъуэ мазэм Урысей ­МВД-м и къудамэу Тэрч районым щыIэм къы­Iэрыхьащ хамэ къэрал гъунэгъухэм я зым щыщ, илъэс 57-рэ зи ныбжь цIыхухъум  и лъэIу тхылъ, Урысей Федерацэм и цIыхуу къалъытэным теухуауэ. Абы зэрыжиIамкIэ, УФ-м ЗыхъумэжыныгъэмкIэ и министерствэм зэгурыIуэныгъэ ирищIылIауэ Украинэм щекIуэкI дзэ Iуэху хэхам хэтщ икIи ди къэралым и цIыху хъуну хуейщ.

Дзэм хыхьам зигъэпсэхуну пIалъэ гуэркIэ къызэрыкIуэжар къагъэсэбэпри, Iэпхъуэшапхъуэ IуэхухэмкIэ къудамэм и лэжьакIуэхэм Iуэ­хур хузэфIахащ – цIыхухъур кърагъэблагъэри, иратащ урысей паспортыр. Урысей МВД-м и къудамэу Тэрч районым щыIэм и ОВМ-м и унафэщI, полицэм и майор Жеттевэ Зухра абы ехъуэхъуащ узыншагъэ быдэ, насып иIэну, и къулыкъур тэмэму ирихьэкIыну.