КъБР-м щынэхъ пудщ

Урысей Федерацэм и щIыналъэхэм щаухуэ псэупIэхэм зы метр зэбгъузэнатIэм ику иту и уасэм и пудагъымкIэ Къэбэрдей-Балъкъэрыр пэрытхэм яхэтщ.

ЖыпIэнурамэ, ДОМ.РФ-м и аналитикхэм къызэрапщытамкIэ, ди республикэм щаухуэ псэупIэхэм зы метр зэбгъузэнатIэм ику иту щыхуэзэр сом мин 28,8-рэщ икIи абыкIэ къэралым япэ увыпIэр щиIыгъщ. Къэбэрдей-Балъкъэрым къыкIэлъокIуэ Дагъыстэнымрэ Ульяновск областымрэ.

Псалъэм папщIэ, Кавказ Ищхъэрэм и щIыналъэхэм къыщекIуэкI уасэхэр зэпэтлъыту щытмэ, Дагъыстэнымрэ Къэрэшей-Шэрджэсымрэ зы метр зэбгъузэнатIэм ику иту сом мин 37,9-рэ и щиуасэщ, Шэшэн республикэм сом мин 65,5-рэ. УФ-м и къалэ нэхъ инхэр къэдгъэлъагъуэмэ, Мэзкуу зы метр зэбгъузэнатIэм ику иту сом мини 159,4-рэ къыщыбжаIэнущ, Санкт-Петербург сом мини 112,6-рэ.

Ди республикэм псэупIэщIэхэм зы метр зэбгъузэнатIэм щхьэкIэ ику иту сом мин 28,8-рэ щиуасэщ, атIэ, мыдрей унэ ящэу хъуам ар къызэрыщхьэщыкIыр ику иту соми 100 къудейкIэщ.