Хабзэхэм къытекIынукъым

УФ-м и Президент Путин Владимир хэтащ «Урысей зэкъуэт» партым и XXIII съездым. 
«Шэч къытесхьэркъым къытпэщылъ хэхыныгъэхэм къэралым дежкIэ лъабжьэ быдэ, политикэ убзыхуа зэраIэм, сыт хуэдэ лъэныкъуэмкIи къикI Iуэху зэIумыбзхэм дазэрыпэщIэтыфынум, абы хэтыну цIыху мелуанхэм Урысейм и щхьэхуитыныгъэмрэ шынагъуэншагъэмрэ къызэрагъэпэщыну зэрыхущIэкъум ахэр щыхьэт зэрытехъуэнум», - жиIащ Путин Владимир. Президентым къызэрилъытэмкIэ, щытыкIэ нэхъ гугъу дыдэхэм щитми, Урысейр лъэпкъ властым и хабзэхэм къытекIынукъым икIи къэрал псом - КъуэкIыпIэ Жыжьэм къыщыщIэдзауэ Новороссиемрэ Донбассымрэ нэс - хэхыныгъэ щригъэкIуэкIынущ.
Урысейм и УнафэщIым ягу къигъэкIыжащ депутатхэм я пщэ къыдэхуэ жэуаплыныгъэри: зэхуэсыгъуэщIэм и Къэрал Думэри, къулыкъущIапIэ IэнатIэ псоми хуэдэу, хуэхьэзыру щытын хуейщ къэралым и сэбэп зыхэлъхэр быдэу зэрихъумэнум, лъэпкъым, цIыхухэм зэрахуэлэжьэнум. Путин Владимир къыхигъэщащ Къэрал Думэм и депутату зыкъэзыгъэлъэгъуахэм дзэ Iуэху хэхам и ветеранхэр мымащIэу зэрахэтыр. Президентым шэч къытрихьэркъым Урысейм папщIэ хахуагъэ къагъэлъагъуэу зи къулыкъур езыхьэкIа зауэлIхэм парламентми зэфIэкI хъарзынэхэр къызэрыщагъэлъэгъуэнум.