Тенджыз Iуфэм щытокIуэ

21 сентября, 2021 - 10:22

Анапэ къалэм мы махуэхэм щекIуэкIащ тхэквондомкIэ ныбжьыщIэхэм я XIII урысейпсо зэхьэзэхуэ зэIуха. Абы хэтащ къэралым и щIыналъэ 19 къикIа спортсмен 300-м щIигъу. Къэбэрдей-Балъкъэрым и командэ къыхэхам зэхьэзэхуэм къыщихьащ медаль зэмылIэужьыгъуэу 12.

ЩIалэ цIыкIухэм я деж зи ныбжьыр илъэси 10 - 11-м итхэм я зэпэщIэтыныгъэхэм щригъэкIуэкIа зэIущIищми текIуэныгъэ щызыIэрихьащ килограмм 30-м нэблагъэ зи хьэлъагъ Абазэ Ислъам.

Дыжьын медалхэр къахьащ Къалэ Амиррэ (кг 64-рэ) Трегубов Георгийрэ (кг 40). Гуэбэшы Салим (кг 35-рэ) домбеякъ медалыр къыхуагъэфэщащ.

Хъыджэбз цIыкIухэм я зэхьэзэхуэм щытекIуащ Къалэ Самирэрэ (кг 35-рэ) Мэкъуауэ Камиллэрэ (кг 43-рэ). Науржан Ясминэ (кг 40) етIуанэ увыпIэр къихьащ. Сибэч Алинэ (кг 40) ещанэщ.

Спортсменхэр ягъасэ Бэлахъуэ Елдаррэ Абазэ Азэмэтрэ.

ЖЫЛАСЭ Замир.
  • 89 просмотров
Поделиться: