НэхъыфIхэр адэкIэ макIуэ

27 марта, 2019 - 05:00

Алыдж-урым бэнэкIэ

Ставрополь къалэм щекIуэкIащ илъэс 23-рэ иримыкъуахэм алыдж-урым бэнэкIэмкIэ я Кавказ Ищхъэрэ федеральнэ щIыналъэ зэхьэзэхуэ. Ди спортсменхэм абы щызыIэрагъэхьащ дыщэ медалу 2, дыжьыну – 3, жэзу - 4.
 
Зэхьэзэхуэм пашэныгъэр щаубыдащ Къурашэ Беслъэнрэ (кг 55-рэ) Тэхъу Ислъамрэ (кг 82-рэ). ЗымащIэкIэ абыхэм къакIэрыхуащ Дзыгъул Ибрэхьим (кг 63-рэ), Къуэжей Азэмэт (кг 72-рэ), Соблыр Тамерлан (кг 130-рэ) сымэ. Жэз медалхэр зыIэрагъэхьащ Хьэбалэ Къантемыр (кг 60), Баллуев Iэмин (кг 60), Щамырзей Къантемыр (кг 72-рэ), Хьэхокъуэ Темыркъан (кг 87-рэ) сымэ.
Мы зэхьэзэхуэм нэхъыфIу зыкъыщызыгъэлъэгъуахэр ирагъэблэгъэнущ мэлыжьыхьым и кIэухым Мэзкуу щызэхэтыну Урысейм и зэхьэзэхуэм.

КЪЭХЪУН Бэч.
  • 40 просмотров
Поделиться: