Шэшэным къыщыхожаныкI

29 марта, 2022 - 14:45

Ахтаев Увайс и цIэр зезыхьэу Грознэ къалэ дэт волейболым и уардэунэм щекIуэкIащ кикбоксингым и «К1» лIэужьыгъуэмкIэ Урысей Федерацэм и чемпионатрэ зэхьэзэхуэрэ. Къэбэрдей-Балъкъэрым и цIыхубз командэ къыхэхам Шэшэным домбеякъ медалищ къыщихьащ.

Зи хьэлъагъыр килограмм 48-м нэблагъэхэм я щIалэгъуалэ зэхьэзэхуэм ещанэ щыхъуащ Абдурахмановэ Дианэ. Апхуэдэ дыдэ ехъулIэныгъэ зыIэригъэхьащ килограмм 60-м щIигъу Ламердон Дианэ.

Урысей Федерацэм и чемпионатым домбеякъ медалыр щызыIэригъэхьащ килограмм 70-м щIигъухэм я гупым щызэуа Ржевская Еленэ.

Мэлыжьыхьым и пэщIэдзэхэм Къэбэрдей-Балъкъэрым и командэ къыхэхар Анапэ кIуэнущ. Ди кикбоксёрхэр абы щыщIэбэнынущ «лоу-кик» лIэужьыгъуэмкIэ Урысей Федерацэм и чемпионатымрэ зэхьэзэхуэмрэ я саугъэтхэм.

ЖЫЛАСЭ Замир.
  • 11 просмотров
Поделиться: