Елизаветэ ЕтIуанэр пащтыхь гуащэ зэрыхъурэ илъэс 70 ирокъу

1926 гъэм мэлыжьыхьым и 2I-м дунейм къытехьа инджылыз пащтыхь гуащэ Елизаветэ ЕтIуанэм егъэлъапIэ къэралым и унафэр къызэрыIэрыхьэрэ илъэс 70 зэрырикъур. 

1947 гъэм и адэ-анэр и гъусэу Африкэ Ипщэм щыIэу, и ныбжьыр илъэс 21-рэ щрикъум, пащтыхь гуащэ Елизаветэ II радиомкIэ къэпсэлъауэ щытащ: «Иджыпсту псоми зэхэфхыу зыгуэр жысIэнут. Си гъащIэм сыт хуэдиз и кIыхьагъыу къыщIэкIми, сыхуейт ар фэрэ псоми ди зэхуэдэ ди къэралышхуэмрэ щхьэузыхь фхуэсщIыну». 
1994 гъэм инджылыз гуащэр Урысейм къэкIуауэ щытащ. ХабзэкIэ абы зыри IэкIэ еIусэну хуиттэкъым. А зэманым УФ-м и президенту щыта Ельцин Борис Iуэхум щыгъуазэтэкъыми, гуащэм пщIэ кIэлъызэрихьэ и гугъэжу, щIыIутелъ щыгъыныр щытрихым дэIэпыкъуну хуежьат. Апхуэдэ куэдым къела езы Елизаветэ IэкIуэлъакIуэу зигъазэри, урыс лIыщхьэм ишия Iэхэм яIэщIэкIауэ щытащ. 
ЦIыхухэм гукъинэж ящыхъуащ инджылыз гуащэм Гагарин Юрий иригъэблэгъауэ зэрыщытари. Урыс къуажэ пхыдзам къыдэкIа щIалэр имыгъэукIытэн папщIэ, зэрыхузэфIэкIкIэ къызэрыгуэкIыу зыкъригъэлъэгъуауэ щытащ. «Сэри Iэнэзехьэхэр нэмыщIамэ, зэрышхэ Iэмэпсымэ къомыр къызэрызгъэсэбэпынур схузэгъэщIэнутэкъым», - космонавтым игу зримыгъэбгъэжын щхьэкIэ инджылыз гуащэм жиIауэ къаIуэтэж. 
Елизаветэ II псоми фIыуэ ялъагъуу пхужыIэнукъым. I992 гъэм Германием кIуауэ джэдыкIэ къраутIыпщауэ щытащ абы. 
Шыхэр фIыуэ елъагъу. Нобэр къыздэсым шууэ зэхэзокIуэ. 
КIэ фIэкIа щитIагъэркъым. И гъащIэ псом щэнейрэ фIэкIа гъуэншэдж лъэпахъуэ щыгъыу цIыхум яхыхьакъым. Сэрейм щызекIуэ хабзэм ипкъ иткIэ, абы тIэу зы бостей щитIагъэ хъунукъым. Ауэ Елизаветэ II куэдрэ а унафэр «хуитти» ихъуэжащ. Гуащэр дыхьэшхрилэу, езыри гушыIэрейуэ къалъытэ.