Хьэсанэ Мурат псоми ятокIуэ Къэбэрдей-Балъкъэрым СпортымкIэ и министерствэм къызэритамкIэ, Мэзкуу областым и Красногорск къалэм грэпплинг, грепплинг-ги спорт бэнэкIэ лIэужьыгъуэхэмкIэ иджыблагъэ щекIуэкIащ дунейпсо чемпионатрэ пашэныгъэр къэхьыным хуэунэтIа зэхьэзэхуэрэ. Урысей Федерацэм и командэ къыхэхам нэмыщI, абы кърихьэлIащ Индием, Къэзахъстаным, Тыркум, Узбекистаным, Алжирым, нэгъуэщIхэми я спортсменхэр, псори зэхэту 1000-м щIигъу. Ди гуапэ зэрыхъущи, къэралым и щIыхьыр яхъумэу зэхьэзэхуэм хэтащ Къэбэрдей-Балъкъэрым и щIалэхэри. Абыхэм ящыщу килограмм 92-рэ хъухэм я деж щыбанэ Хьэсанэ Мурат иригъэкIуэкIа зэIущIиплIыр къихьри, дуней псом и чемпион хъуащ. Хьэсанэм и тренерыр Шыхъуэстэн Русланщ.
Поделиться:
Читать также:
07.12.2023 - 16:06 →
ГъэщIэгъуэну къызэдожэ
07.12.2023 - 10:30 →
Чемпионатым и етIуанэ медаль
22.11.2023 - 17:10 →
ЗэкIуий Азэмэт етIуанэщ
22.11.2023 - 14:32 →
Трошев Геннадий ящыгъупщэркъым
20.11.2023 - 16:46 →
ЕкIуу къагъэзэж
| ||