НОБЭ

Мэлыжьыхьым и 17, бэрэжьей

Гемофилием (лъыр пцIэным пыщIа узыфэщ) и дунейпсо махуэщ
Циркым и дунейпсо махуэщ
УФ-м Къэрал кIуэцI IуэхухэмкIэ и органхэмрэ къэрал кIуэцIыдзэхэмрэ я ветеранхэм я махуэщ
1927 гъэм къалъхуащ уэрэджыIакIуэ, УФ-м щIыхь зиIэ и артисткэ КIуащ Верэ.
1929 гъэм къалъхуащ Социалист Лэжьыгъэм и ЛIыхъужь, РСФСР-м щIыхь зиIэ и машинэухуэ Ахъуэхъу Анатолэ.
1955 гъэм къалъхуащ «Краснодарпроектстрой» IуэхущIапIэм и унаэфэщIу щыта, Краснодар крайм и Хабзэубзыху Зэхуэсым и депутат, УФ-м щIыхь зиIэ и ухуакIуэ Тутэрыщ Батырбий.
1971 гъэм къалъхуащ юридическэ щIэныгъэхэмкIэ доктор, КъБКъУ-м и профессор, КъБР-м щIэныгъэхэмкIэ щIыхь зиIэ и лэжьакIуэ Дол Анжелэ.

Дунейм и щытыкIэнур

«pogoda.yandex.ru» сайтым зэритымкIэ, республикэм уэфIу щыщытынущ. Махуэм хуабэр градус 20 – 27-рэ, жэщым  градус 12 щыхъунущ. 

Лъэпкъ Iущыгъэ:

Пхуэмыфащэ щауэгъу умыщI.