Iуэху щхьэпэ

Урысей МВД-м Налшык щиIэ управленэмрэ Урысей МЧС-м и Управленэ нэхъыщхьэу КъБР-м щыIэмрэ я лэжьакIуэхэм Кэнжэ къуажэм уней лъапсэхэм Iуэху щхьэпэ щрагъэкIуэкIащ  газым и зэран цIыхухэм, псом хуэмыдэу сабийхэмрэ зи ныбжь хэкIуэтахэмрэ, ятемыхьэн икIи абы щыхъумэн папщIэ. 
Кэнжэдэсхэм ягу къагъэкIыжащ газ Iэмэпсымэхэр къызэрыгъэсэбэпыпхъэ хабзэхэр, мафIэсым зэрыпэщIэтыным теухуа псалъэмакъ щхьэпэхэр драгъэкIуэкIащ.. 
 Iуэхум хэтахэм къапщытащ Iугъуэ, жьы икIыпIэхэр щагъэувкIэ Iэмал имыIэу зытетыпхъэхэр зэрагъэзащIэр. 
Налшык УМВД-м республикэм щыпсэухэр къыхуреджэ сакъыну икIи я Iэмэпсымэхэм сэкъат яIэ хъумэ, и чэзум газ IуэхущIапIэхэм я лэжьакIуэхэм зыхуагъэзэну.