ХуэдиткIэ нэхъыбэу

2019-2014 гъэхэм къриубыдэу Къэбэрдей-Балъкъэрым и мэкъумэш IэнатIэм и продукцэу хамэ къэралхэм хурагъэшам и куэдагъым хуэди 2,7-кIэ хэхъуащ. Къэдгъэлъэгъуэнщи, ди республикэм экспорт игъакIуэм хохьэ жылапхъэр, IэфIыкIэр, фадэмрэ псыхэкIымрэ, спиртыр, нартыху крахмалыр, Iусыпхъэхэр, нэкулъ лIэужьыгъуэхэр, лыхэкIхэр, хадэхэкI консервыр, нарзаныпсыр, нэгъуэщIхэри.

КъБР-м и мэкъумэш продукцэр зыщэху къэралхэр 20-м ноблагъэ нобэкIэ. Абыхэм яхэтщ ди гъунэгъу щIыналъэхэри щIыпIэ жыжьэхэм щыIэхэри. МэкъумэшыщIэхэм я мурадщ экспорт ягъакIуэ продукцэхэм я куэдагъымрэ лIэужьыгъуэхэмрэ адэкIи хагъэхъуэну, къэрал нэхъыби къызэщIаубыдэну.

Къэбэрдей-Балъкъэрым Мэкъумэш хозяйствэмкIэ и министерствэм щыжаIащ, ди щIыналъэм къыщыщIагъэкI продукцэхэм фIагъ лъагэ зэраIэр икIи абы и щыхьэтщ хамэ къэралхэм я щIэупщIэм зэрыхэхъуэ зэпытыр.