Къэбэрдей-Балъкъэр Республикэм и Iэтащхьэм и Указ2021 гъэм и бжьыхьэм цIыхухэр дзэм къулыкъу щащIэну
гъэкIуэнымкIэ лэжьыпхъэхэм я IуэхукIэ
«Дзэ къулыкъумкIэ къалэнхэмрэ дзэм къулыкъу зэрыщащIэмрэ я IуэхукIэ» Федеральнэ законым тету икIи 1994 - 2003 гъэхэм къалъхуахэу зи ныбжьыр илъэс 27-рэ иримыкъуахэр икIи запасым щымыIэхэр 2021 гъэм и бжьыхьэм дзэм къулыкъу щащIэну гъэкIуэныр къызэгъэпэщын мурадкIэ унафэ сощI:
1. Къэщтэн мы Указым щIыгъухэу:
Къэбэрдей-Балъкъэр Республикэм цIыхухэр дзэм гъэкIуэнымкIэ и комиссэм хэтхэр;
Къэбэрдей-Балъкъэр Республикэм и муниципальнэ районхэмрэ къалэ округхэмрэ цIыхухэр дзэм гъэкIуэнымкIэ я комиссэхэм хэтхэр;
2021 гъэм и бжьыхьэм дзэм къулыкъу щащIэну ираджэн хуей цIыхухэм я узыншагъэр къэзыпщытэну икIи абыхэм еIэзэну медицинэ IуэхущIапIэхэм я спискэр.
2. Къэбэрдей-Балъкъэр Республикэм и муниципальнэ районхэм, къалэ округхэм щIыпIэ унафэр зезыгъакIуэ я органхэм чэнджэщ етын 2021 гъэм и бжьыхьэм цIыхухэр дзэм гъэкIуэныр ягъэува пIалъэхэм къриубыдэу Къэбэрдей-Балъкъэр Республикэм и дзэ комиссариатым, Къэбэрдей-Балъкъэр Республикэм и гъэзэщIакIуэ властым и органхэм ящIыгъуу къызэрагъэпэщыну.
3. Къэрал кIуэцI IуэхухэмкIэ министерствэу Къэбэрдей-Балъкъэр Республикэм щыIэм, Урысей Федерацэм Къэрал кIуэцI IуэхухэмкIэ и министерствэм транспортым щыIэ и Налшык линейнэ къудамэм чэнджэщ етын цIыхухэр дзэм ягъэкIуэну щызэхуашэс икIи командэхэр щрагъажьэ махуэхэм республикэм и зэхуэшэсыпIэ пунктхэм, гъущI гъуэгу станцхэм, автовокзалхэм жылагъуэ хабзэр хъумэныр къыщызэрагъэпэщыну.
4. Къэбэрдей-Балъкъэр Республикэм ЩэнхабзэмкIэ министерствэм хуэгъэувын цIыхухэр дзэм къулыкъу щащIэну зэрагъакIуэм пыщIа Iуэхухэр цIыхубэ хъыбарегъащIэ IуэхущIапIэхэм къыщагъэлъэгъуэныр къызэригъэпэщыну.
5. Мы Указым къару егъуэт Iэ щыщIэздза махуэм щегъэжьауэ.
Къэбэрдей-Балъкъэр Республикэм
и Iэтащхьэ КIуэкIуэ Казбек
Налшык къалэ
2021 гъэм фокIадэм и 27-м
№104-УГ
Поделиться:
Читать также:
13.04.2024 - 15:23 →
Махуэшхуэм зыхуагъэхьэзыр
13.04.2024 - 13:44 →
ЩытыкIэр я нэIэ щIэтщ
13.04.2024 - 11:18 →
Дзэм ираджэнухэр
13.04.2024 - 10:08 →
Зэгухьэныгъэм зэфIигъэкIар
06.04.2024 - 10:26 →
Театрхэм я ехъулIэныгъэ, я гугъуехь
|