Дунейм щыхъыбархэрНобэ
Компьютерхэмрэ абыхэм илъ хъыбархэмрэ хъумэным и дунейпсо махуэщ Унагъуэ псэущхьэхэм я дунейпсо махуэщ Химие Iэщэ къызэрагъэсэбэпам и зэранкIэ хэкIуэдахэр ягу къыщагъэкIыж махуэщ 1609 гъэм Галилей Галилео Мазэм и щхьэфэм и япэ картэр зэхигъэуващ. 1571 гъэм Къэбэрдей пщы уэлий Идар Темрыкъуэ (Марие и адэр) дунейм ехыжащ. 1794 гъэм урыс дзэзешэ цIэрыIуэ Суворов Александр генерал-фельдмаршал цIэр къыфIащащ. 1876 гъэм урыс электротехник, дзэ инженер, хьэрычэтыщIэ Яблочков Павел япэу трансформатор зэрызэпкърилъхьам и щыхьэт патент къратащ. 1922 гъэм РСФСР-м хыхьэу къызэрагъэпэщащ Шэшэн автономнэ областыр. 1939 гъэм совет-фин зауэм щIидзащ. 1968 гъэм Гагарин Юрий и Дыщэ медаль ягъэуващ. 1993 гъэм УФ-м и Президент Ельцин Борис и унафэкIэ Урысейм и гербу къащтэжащ щхьитI зыфIэт бгъэм и теплъэр зытетыр. 1835 гъэм къалъхуащ Америкэм щыщ тхакIуэ, журналист Твен Марк. 1874 гъэм къалъхуащ Инджылызым и премьер-министру, зыхъумэжыныгъэмкIэ министру щыта, Нобель и саугъэтым и лауреат Черчилль Уинстон. 1925 гъэм къалъхуащ Адыгей обкомым и япэ секретару лэжьа, СССР-м и консул нэхъыщхьэу Болгарием илъэсиблкIэ щыIа Бэрзэдж Нухь. 1929 гъэм къалъхуащ УФ-м щIыхь зиIэ и дохутыр Жылокъуэ Зинаидэ. 1934 гъэм къалъхуащ театрымрэ киномрэ я актёр цIэрыIуэ, СССР-м и цIыхубэ артист Невинный Вячеслав. 1936 гъэм къалъхуащ совет телевиденэм нэтынхэр щезыгъэкIуэкIыу щыта, РСФСР-м щIыхь зиIэ и артисткэ Жильцовэ Светланэ. 1932 гъэм къалъхуащ КъШР-м щыщ къулыкъущIэ, япэ класс зиIэ къэрал чэнджэщэгъу, ЩIДАА-м, МАИ-м, МАДЕН-м я академик, РСФСР-м и цIыхубэ депутату щыта Темыр Умар. 1975 гъэм къалъхуащ хирург, медицинэ щIэныгъэхэм я кандидат Балъкъыз Вячеслав. Дунейм и щытыкIэнур «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, пIалъэ-пIалъэкIэрэ уэшх къыщешхынущ. Хуабэр махуэм градуси 10 - 12, жэщым градуси 7 - 9 щыхъунущ. Лъэпкъ Iущыгъэ: ЦIыхубз зыщIэмыс унэр сабафэщ.
Поделиться:
Читать также:
25.04.2024 - 09:00 →
НОБЭ
24.04.2024 - 13:21 →
ЩIым и махуэ
24.04.2024 - 11:43 →
НОБЭ
23.04.2024 - 09:45 →
НОБЭ
22.04.2024 - 15:50 →
НОБЭ
|