Дунейм щыхъыбархэрНобэ Илъэсым къриубыдэу махуэр щынэхъ кIэщIщ, жэщыр щынэхъ кIыхьщ 1610 гъэм яукIащ Урысейм пащтыхьыгъуэр щызыубыдыну хущIэкъуа Лжедмитрий ЕтIуанэр. 1891 гъэм США-м и Спрингфилд къалэм дунейм щыяпэу баскетболымкIэ зэхьэзэхуэ щекIуэкIащ. А джэгукIэ лIэужьыгъуэр къигусысат физкультурэмкIэ егъэджакIуэ Нейсмит Джеймс. 1899 гъэм Санк-Петербург къыщыдэкIащ «Огонёк» журналым и япэ номерыр. 1913 гъэм «New York World» газетым (США) дунейм щыяпэу кроссворд къытехуащ. 1944 гъэм ВКП(б)-м и обкомым унафэ къищтащ Дзэлыкъуэ, Куба, Налшык, Шэджэм, Прималкэ, Урожайнэ, Лэскэн районхэм газет къыщыдэгъэкIыным теухуауэ. I99I гъэм Къэзахъстаным и къалащхьэ Алма-Ата Азербайджаным, Армением, Белоруссием, Къэзахъстаным, Къыргъызым, Молдовэм, Урысейм, Таджикистаным, Туркменистаным, Узбекистаным, Украинэм я Iэтащхьэхэм Iэ щытрадзащ Къэрал Щхьэхуитхэм я Зэгухьэныгъэм и хабзэхэр щыубзыхуа Декларацэм. 1994 гъэм Урысей телевиденэм и Академием илъэс къэс ят «ТЭФИ» саугъэтыр игъэуващ. 1879 гъэм къалъхуащ парт, къэрал лэжьакIуэ, генералиссимус, Совет Союзым и ЛIыхъужь, Социалист Лэжьыгъэм и ЛIыхъужь, I924 – I953 гъэхэм СССР-м и унафэщIу щыта Сталин (Джугашвили) Иосиф. 1896 гъэм къалъхуащ дзэзешэ цIэрыIуэ, Совет Союзым и Маршал, Совет Союзым тIэунейрэ и ЛIыхъужь Рокоссовский Константин. 1900 гъэм къалъхуащ совет драматург, журналист, дзэ корреспондент, Сталиным и саугъэтыр зрата Вишневский Всеволод. 1932 гъэм къалъхуащ тхакIуэ, щIэныгъэлI Елмэс Iэулдин. 1925 гъэм къалъхуащ театрымрэ киномрэ я актрисэ цIэрыIуэ, РСФСР-м и цIыхубэ артисткэ Аросевэ Ольгэ. 1961 гъэм къалъхуащ УФ-м и Къэрал Думэм и УнафэщIым и къуэдзэ, «Урысей зэкъуэт» Урысейпсо политикэ партым и фракцэу Къэрал Думэм щыIэм и секретарь Неверов Сергей. 1976 гъэм къалъхуащ къэрал къулыкъущIэ, УФ-м наукэмрэ цIыхухэм щIэныгъэ нэхъыщхьэ егъэгъуэтынымкIэ и министр Котюков Михаил. Дунейм и щытыкIэнур «pogoda.yandex.ru» сайтым зэритымкIэ, Налшык уфауэ, къешх-къесу щыщытынущ. Махуэм хуабэр градус 1 - 2, жэщым щIыIэр 1 градус щыхъунущ. Лъэпкъ Iущыгъэ: Анэм и бгъафэр хъурыфэ джэдыгущ.
Поделиться:
Читать также:
24.04.2024 - 13:21 →
ЩIым и махуэ
24.04.2024 - 11:43 →
НОБЭ
23.04.2024 - 09:45 →
НОБЭ
22.04.2024 - 15:50 →
НОБЭ
19.04.2024 - 16:23 →
НОБЭ
|